„Роскосмос” ја исклучи можноста за дефект на моторот на ракетата „Зенит“

Моторот во првиот степен и системот за управување кај ракетата-носач „Зенит-2S“ функционирале правилно.

Моторот во првиот степен и системот за управување кај ракетата-носач „Зенит-2S“ функционирале правилно. До овој заклучок дојдоа експертите од Федералната вселенска агенција „Роскомос“, после итната анализа на телеметриските податоци. „Анализата на документацијата, спроведена со претпријатијата кои го создадоа моторот и системот за управување покажа дека при активноста нема никакви отстапки од стандардите“, изјави прес-службата на „Роскосмос“.

Ракетата „Зенит“ беше лансирана 1 февруари од ракетно-космичкиот комплекс „Морски старт“. Летот на ракетата-носач е прекинат 40 секунди после лансирањето, веднаш после откажувањето на моторот на првиот степен. Ракетата падна во Тихиот океан. 

Сите права ги задржува „Росијскаја Газета“.