Времеплов: на денешен ден во историјата на Русија

Роден е Михаил Пришвин.

Рускиот писател Михаил Пришвин е роден на 4 февруари (23 јануари по стар стил) 1873 година во Орловската губернија. Неговиот татко бил трговец кој го потрошил своето богатство и го оставил семејството без средства за живот.

Благодарејќи на мајката, децата добиле образование. Во 1883 година, Михаил тргнал во гимназија, но во 4-та година бил избркан поради дрскост. Тој продолжил со образованието првин во Тјумен, а потоа во Рижскиот политехнички институт. Бил уапсен бидејќи се интересирал за марксизмот, и поминал една година во затвор, а две години во прогонство.

После завршувањето на универзитетот во Лајпциг во 1902 година, тој работел како агроном во Луга, каде што почнал да пишува и раскази. Првиот расказ „Сашок“ бил објавен во 1906 година во списанието „Родник“. После неговото патување по Северот, се појавува „Во местото на исплашените птици“.

За време на Првата светска војна, Пришвин работел како воен кореспондент, а после војната – како селски учител. Во 1937 година Пришвин се преселил во Москва.

Тој доста пишувал,  главна тема во неговото творештво била природата, која е опишана со посебен раскош и љубов.

Михаил Пришвин почина во Москва на 16 јануари 1954 година. 

Сите права ги задржува „Росијскаја Газета“.