Во Думата вчера е внесен предлог-закон за проверка за употреба на дрога од страна на државните службеници - како на федерално ниво, така и на пониски, регионални нивоа. Автор на овој проект е депутатот Олег Нилов.
Тој предлага да се надополни членот за „основните обврски“ во законот за државна служба со барањето „да се извршуваат плански и неплански медицински прегледи, со цел да се открие незаконско / немедицинско користење на наркотични средства и психотропни супстанции“. Оваа проверка, според предлогот на депутатот, ќе треба да се изврши и при самото вработување.
„Државните службеници, како претставници на државата и нејзините органи, треба да бидат морален и етички пример за младото поколение“, пишува Нилов во објаснувањето за овој предлог-закон. „Младата генерација - е иднината на државата, таа учи имено од тие граѓани кои сега се наоѓаат на чело на државата, како и од оние кои заземаат пониски должности. Имено затоа лицата кои употребуваат наркотици треба да им се забрани влезот во државните структури“.
Сите права ги задржува „Росијскаја Газета“.