Екс-министерот за финансии Алексеј Кудрин: раст на БДП во Русија од 5% е невозможен без структурни реформи

Постигнување на економската цел за раст на руската економија од минимум 5% годишно, е невозможно без успешни структурни реформи во редица стопански гранки.

Постигнување на економската цел за раст на руската економија од минимум 5% годишно, е невозможно без успешни структурни реформи во редица стопански гранки. Според постојните услови - врвот што може да биде постигнат е 4%, смета поранешниот министер за финансии, Алексеј Кудрин. 

Во средата, премиерот на Русија, Дмитриј Медведев, настапувајќи на Гајдаровскиот форум, кажа дека основна задача на владата во периодот што следи е постигнување на цврст економски раст на ниво не пониско од 5%.

„Некои чекори кои се преземаат во последно време не ни дозволуваат да зборуваме дека таквиот тренд е возможен... Моменталниот потенцијал во рамките на факторите кои денеска постојат, ако не ги промениме суштествено, изнесува 4%“, рече Кудрин на новинарите во кулоарите на Гајдаровскиот форум.

Тој напомна дека според прогнозата на Министерството за економски развој, растот на руската економија во следните три години нема да изнесува 5%. „Има и попесимистички прогнози за раст од само 2%“, забележа Кудрин.

Според неговите зборови, средниот потенцијал за раст на руската економија изнесува 3,5% до 4%, и тоа во следните пет до седум години. „Можеби и повеќе, ако ништо не менуваме, но ако започнеме со реформите денеска, тој потенцијал во иднина ќе се зголеми“, забележа поранешниот министер. 

Сите права ги задржува „Росијскаја Газета“.