Ако можат овците, можат и пешаците

Навистина невообичаен начин да се научат сообраќајните правила.


За македонски превод притиснете „CC“.
Невладината организација „Училиште за пешаци“, навистина нашла невообичаен начин да ги научи русите на сообраќајните правила. Тие изнајмиле еден овен од локалната зоолошка градина и го „научиле“ на сообраќајните правила. Кај русите, овенот обично се смета за тврдоглаво животно, а често за лош возач се употребува и изразот „вози како овен“, токму затоа и овенот е главниот лик во оваа приказна - ако може да научи овенот, можат и луѓето, учесници во сообраќајот. А овенот и тоа како успева да ја научи лекцијата - безбедно ја преминува улицата на зелено светло.
Од оваа организација велат дека ова нема да биде последен ваков „несериозен“ настан за ваква сериозна тема и дека - во рамките на акцијата на Светската здравствена организација „Животот е поважен од брзината“ - ќе организираат уште вакви настани.
Погледнете ја оваа видео репортажа и размислете, дали и кај нас треба да се направи слична акција, веројатно само со магаре во главната улога.

Сите права ги задржува „Росијскаја Газета“.