Како функционира најголемиот хеликоптер во светот

Една од водечките авиокомпании во северен Сибир е „Скол“. Нејзината флота се состои од 37 летала меѓу кои е и Ми-26.

Пред секој лет шест инженери ја проверуваат техничката исправност на хеликоптерот и го загреваат моторот. Проверката обично трае еден час, но може да потрае и два часа и подолго кога температурата е под -30°С.

Ми-26 спаѓа во малубројната група летала кои можат да подигнат товар со маса еднаква на сопствената и да го транспортираат на растојание до 800 километри.

Кога Ми-26 и Боинг 737 би биле поставени еден до друг би се видело дека хеликоптерот е подолг.

Благодарение на својот уникатен капацитет овој модел на хеликоптер е многу популарен во Русија и во странство.

Русија е голем производител на нафта и гас. Најголемиот дел од нејзините резерви на овие горива се наоѓаат во далечните краишта на Сибир каде најблиското населено место или пат се оддалечени стотици километри. Единствен начин да се пренесе тежок товар до овие области е да се употреби хеликоптер.

Главното правило за пренесување товар со хеликоптер е да не се лета над населените места дури и ако заобиколувањето значително го продолжува времетрањето на летот.

Овој хеликоптер има два мотора, од кои секој има 11400 коњски сили. Потрошувачката изнесува три тони гориво на час.