Уривање на стереотипите: Сè повеќе жени во руските воени школи

Во моментов девојките се обучуваат во деловите како што се психологија, комуникација и инженеринг.

Во школите на Воено-морската флота младите жени учат и основи на спасување под море, а за време на обуката секое движење мора да се совлада до автоматизам. Подоцна тие во базата или во пунктот најверојатно нема да се најдат во такви екстремни ситуации, но мораат да бидат подготвени за сè.

За девојките важат истите правила како и за момчињата: станување во 6.30, утринска фискултура, појадок и настава.

Освен тоа, постојат и други правила: девојките не можат да носат цивилна облека и таа се чува на територијата на школата. Исто така за време на обуката им е забрането користење социјални мрежи.

Постојат правила и за фризурите: се допуштаат само плетенки или куса коса. Поголемиот дел од девојките се одлучуваат за првата опција.

Младите жени од воените училишта често се истакнуваат во спортовите. Како дел од приемниот испит мораат да полагаат трчање и пливање.

Причините за тоа зошто младите жени избираат да служат војска се различни, но најчесто на тоа ги поттикнува примерот на некој од семејството кој е вработен во војската.

Некои во воената служба гледаат стабилност. По завршувањето на oбуката, тие добиваат чин на поручник и договор за воена служба на пет години.

Во 2015 година во воените училишта се школуваа околу 700 кадетки, а нивниот број расте секоја година. Во кадетските корпуси се школуваат околу илјада девојки.

Многу девојки кои ќе го завршат военото училиште остануваат да работат во војската во насоките за кои се специјализирале или на функции кои се поврзани со нивната специјализација.

Во рамките на специјализацијата жените кои, на пример, се специјализирале за врски од 2018 година ќе можат да служат на бродовите на воената морнарица. Дотогаш ќе ги имаат сите потребни услови како што се одвоени кабини за сместување на женскиот кадар.