Десет необични фотографии од Црвениот плоштад

Црвениот плоштад има големо историско значење и привлекува туристи од целиот свет. Тоа и не е за чудење, затоа што се работи за локација каде можат да се видат многу нешта и да се фотографираат. Доколку сте свртени со грбот кон Државниот историски музеј, од вашата десна страна ќе ги видите ѕидините на Московскиот кремљ и кулите со рубинови ѕвезди-петокраки кои величествено се издигаат над Мавзолејот на Ленин. Пред вас се живописните куполи на Храмот на Св. Василиј Блажени, а лево Трговскиот центар ГУМ, еден од најстарите и најубави објекти од тој вид во Русија.

Црвениот плоштад има големо историско значење и привлекува туристи од целиот свет. Тоа и не е за чудење, затоа што се работи за локација каде можат да се видат многу нешта и да се фотографираат. Доколку сте свртени со грбот кон Државниот историски музеј, од вашата десна страна ќе ги видите ѕидините на Московскиот кремљ и кулите со рубинови ѕвезди-петокраки кои величествено се издигаат над Мавзолејот на Ленин. Пред вас се живописните куполи на Храмот на Св. Василиј Блажени, а лево Трговскиот центар ГУМ, еден од најстарите и најубави објекти од тој вид во Русија.

Сергеј Семјонов
По повод Денот на Москва со кој оваа година се одбележа 869-годишнината од основањето на градот, одбравме десет фотографии на кои е претставена најголемата знаменитост на рускиот главен град – Црвениот плоштад.
Луѓе носат црвени знамиња на Комунистичката партија и чекаат во ред за полагање цвеќе во Мавзолејот на Ленин. Комунистичката партија на Руската Федерација на овој начин одбележа 91 година од смртта на Ленин.
Во текот на првата деценија на XXI век овде имаше многу важни политички случувања. На Црвениот плоштад Московјаните и посетителите на главниот град заедно гледаа воени паради, цветен „тепих“ кој ја прекриваше старата калдрма, фудбалски натпревари, трки, возења на скејтборд и автомобили. /Американскиот претседател Барак Обама јаде со семејството на врвот на хотелот „РИЦ Карлтон“, од каде се протега преубав поглед на Црвениот плоштад и Државниот историски музеј, 7 јули 2009 година.
Руски деца играат фудбал на терен од вештачка трева поставена на Црвениот плоштад во текот на фестивалот посветен на Лигата на шампионите, 17 мај 2008 година.
Руски војници во униформи од времето на Втората светска војна учествуваат на парадата на Црвениот плоштад на 7 ноември 2012 година. Тој ден Русија ја одбележа 71-годишнината од легендарната парада одржана 1941 година, по која војниците на Црвената армија од Црвениот плоштад заминаа директно на фронт, во борба против нацистичките трупи оддалечени само неколку десетици километри од Москва.
Работници фотографирани меѓу Спаската и Сенатската кула на Московскиот кремљ.
Пол Макартни на голем екран над бината во текот на концертот одржан на Црвениот плоштад на 24 маја 2003 година. На најпознатиот московски плоштад има настапувано голем број познати светски изведувачи како Пласидо Доминго и групата „Скорпионс“, „Ред хот чили пеперс“ и „Временска машина“ (Машина времени) од Русија.
Туристи и Московјани поминуваат покрај „куферот“ на две нивоа на компанијата „Луј Витон“ поставен на Црвениот плоштад на 27 ноември 2013 година. Овој „сандак“ висок девет, а долг 30 метри набрзо беше отстранет поради негодувањата на јавноста.
Чистач на улици поминува покрај Храмот на Св. Василиј Блажени на Црвениот плоштад, 15 јануари 2016 година.
Москва во текот на подготовките за Фестивалот на цвеќето на Црвениот плоштад, 19 јули 2013 година.
Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња