Зошто е Русија преполна со разнобојни згради?

• Ве очекуваме на Телеграм-каналот https://t.me/rb_makedonija
• Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“ сме секогаш со вас!
• Вклучете го во пребарувачот „Show notifications“ (дозволи известувања) за нашиот сајт!

Станбен комплекс „Новие Ватутинки“, Нова Москва

Алексей Куденко/Sputnik

Во советско време повеќето „спални“ реони во големите градови изгледаа отприлика вака: еднобојни бетонски хрушчовки и сивиот асфалт на улиците. Само лете сè беше разубавено од зеленилото, а зиме просторот го украсуваше снежна покривка.

  Коптево, Москва

Максим Блинов/Sputnik

Но, денес станбените квартови изгледаат поинаку. Странците често се чудат зошто во руските градови има толку многу шаренило на зградите.

Станбен комплекс „Велтон Парк Нова Сходња“, Подмосковје

Максим Блинов/Sputnik

Разнобојни нови облакодери можете да видите во Москва...

Ватутинки, Нова Москва

Павел Бедняков/Sputnik

и во Санкт Петербург... 

Михаил Киреев/Sputnik

и во Владивосток... 

Виталий Аньков/Sputnik

и во Новосибирск...

Александр Кряжев/Sputnik

Старите бетонски згради или зградите од тула често им ги даваат на графити-уметниците да ги украсат.

Москва, улица „Изумруднаја“

Антон Денисов/Sputnik

Има неколку причини зошто во Русија во последно време се популарни шарени згради. Како прво, чиновниците и градителите мислат дека така е „поубаво“. Монохромната архитектура со придушени бои наидува на општа критика.  

Ilya Varlamov (CC BY-SA 4.0)

„Убава зграда!“ – ја коментира новоизградената разнобојна градба претседателот на Република Татарстан Рустам Миниханов. „Да не беа овие бои, балконите, ќе беше некако мрачна и неинтересна“.

„Во такво „сиво“ опкружување, во индустриските капацитети значително ќе опадне ефикасноста на работата, во станбените квартови ќе опадне наталитетот, а на фармите приносите на млеко“, се согласува и чиновникот задолжен за архитектура од градот Набережние Челни.

Набережние Челни

Максим Боговид/Sputnik

Набережние Челни

Mos.ru

Несомнено, светлите бои се прифатливи како акценти или за посебни објекти (како што е оваа детска болница во Москва). Но, кога цел кварт е обоен во многу различни бои, тоа попрво предизвикува нервоза и иритација.

Станислав Красильников/TASS

Патем, се смета дека детските игралишта и други објекти за деца задолжително треба да бидат разнобојни.

domkor-dom

„Разнобојните решенија за училиштата и градинките ни ги пропишуваат чиновниците, дури ни даваат папка со посакувани стилски решенија. Понекогаш мораме да преговараме за тоа долго време, а секогаш се работи за многу светли бои“ – вели сопственик на градежна фирма во Московската област.  

Некрасовка, Москва

Кирилл Каллиников/Sputnik

Но, додека во Москва или Казањ разнобојните згради се прашање на вкус, на крајниот север тие се сметаат за практично неопходни. Поголемиот дел од годината луѓето на север се претежно опкружени со монохромен црно-бел пејзаж, кој е само малку разбиен од реткото зеленило во текот на краткото лето. Луѓето од такви пејзажи можат да паднат во депресија. Затоа им треба поглед на светли бои.

Салехард

Мария Плотикова/Sputnik

Во северните краишта со сурова клима уште од крајот на 1980-тите  почнаа да ги бојат куќите во светли бои. На пример, градот Салехард зад Северниот поларен круг е преполн со бои (на горната фотографија), како и Анадир на Чукотка (на долната фотографија).

Анадир

Андрей Зима/Sputnik

Покрај тоа, полесно е да се ориентирате меѓу разнобојни згради, особено за време на снежна бура. Тоа е особено важно во Норилск. Од истата причина, броевите на куќите и имињата на улиците се напишани со крупни букви.

Нориљск

Денис Кожевников/TASS

Во најневеројатни бои се обоени и фасадите на зградите во Дудинка, најсеверното меѓународно морско пристаниште на Русија.

Дудинка

Владимир Астапкович/Sputnik

На Сахалин, проблемот на навигацијата е решен со помош на улична уметност. Во една населба на островот има многу еднолични улици со исти згради. Разнобојните мурали затоа им помагаат на луѓето да не се изгубат и полесно да ја најдат саканата локација.

„Желбата за колоритна архитектура е поврзана со психологијата на советските луѓе, кои и денес носат клучни одлуки. Имено, советските луѓе долго време живееја во услови на „намалена разновидност“, во монохромна сива средина. Дојде време тоа да се компензира со изобилство на бои“, смета познатиот руски архитект Борис Бернаскони.

Сепак, овој стручњак предупредува: „Бојата е моќна работа. Мора да бидете многу внимателни со тоа, инаку може да доведе до нерамнотежа“. Според него, сериозен проблем во градежништвото претставува недостигот од стручни консултации кои би можеле да им помогнат на градежниците да дојдат до исправни решенија кога се во прашање боите. Современите претприемачи сè уште немаат развиено системска соработка со архитектите, кои како автори треба да ја водат градбата од почетната до завршната фаза.

Art Sakhalin

Корисниците на социјалните мрежи ги споредуваат шарените згради со „борбени петли“ или со невешто нашминкана девојка која само си ја расипува убавината со „воинствени бои“. (На фотографијата можете да видите станбен кварт во Новосибирск).

Новосибирск

Александр Кряжев/Sputnik

Самите станари се жалат дека зад светлите бои често се кријат негрижа и лоша состојба на фасадата.

Москва, улица „Минусинскаја“

Антон Денисов/Sputnik

Но, од друга страна... Сетете се само како изгледа најпознатата градба во Русија! „Естетиката на разнобојниот храм „Василиј Блажени“ ни е во гените. Токму тоа е руска архитектура“, објаснува Бернаскони.

Legion Media

Покрај тоа, зборот „красниј“ (црвен) порано значел „убав“. Токму затоа главниот плоштад во земјата е Црвен (т.е. убав) (рус. Красная площадь).

Legion Media

При користење на материјалите на Russia Beyond задолжителен е хиперлинк до изворот од кој е преземен материјалот.