Не пропуштајте!
Придружете се на Russia Beyond на Телеграм за повеќе есклузивни содржини
Март 2020 година. Во Русија е на сила режим на самоизолација поради пандемијата на коронавирусот. 34-годишната Јулија Минина од Стари Оскол во Белгородската област (485 километри од Москва), мајка на две деца, заедно со сопругот и децата, решава да си набави мачка за да можат времето дома да си го поминуваат повесело.
„Никогаш досега не сме имале мачки. Ги прелистувавме огласите на блиската одгледувачница и сосем случајно видовме мало бело маче. Сите останати изгледаа некако обично, а тој беше единствениот во леглото. Веднаш се вљубив“, се присетува Јулија.
Кога дошла да го земе, веднаш се разочарала, бидејќи на фотографијата изгледал посимпатично.
„Никој не ни можеше да претпостави дека толку грдо маче ќе прерасне во бела тумба од крзно“, вели Минина.
Децата му го дале смешното име Кефир. На почетокот бил многу слаб, но на четири-пет години почнал да јаде сé што ќе стигне и постојано си играл со семејството.
Кога имал девет месеци, туфките на ушите и опашот му станале двојно подолги, а на една година Кефир станал трипати поголем. Сега има една година и десет месеци и тежи 12,5 килограми.
„Според карактерот е како човек. Многу е паметен. Дури и кога вечераме седи со нас на маса, има свое столче, па ни прави друштво“, вели Минина за својот бел мачор.
Мејн Куните ретко мјаукаат, така што нивниот мачор понекогаш „преде сосем тивко“.
„Исто така е навикнат да ми спие на градите. Кога беше маче, тоа беше во ред. Но, сега, кога ноќе на гради ми легнуваат 12,5 килограми... само едноставно морам да го избркам“, објаснува газдарицата.
Џулија не разбира зошто нејзиниот мачор е толку популарен. Двапати го фотографираше за својот „Инстаграм“ и фотографијата брзо се појави во руските и странските медиуми и форуми, вклучувајќи го и „Редит“. Фотографијата со Кефир собра 18 илјади лајкови и десетици коментари на „Редит“. Едни претпоставуваат дека газдарицата намерно се обидела да направи мачорот да изгледа поголем со помош на специјален објектив и оптичка илузија, додека други го коментираа неговиот намуртен израз.
„Тоа е сибирски рис. Јаде недостојни луѓе и пие само вотка“, „И не изгледа многу среќен. Изгледа како да дошол по вотка и недостојни души и дека му снемало вотка“, пишуваат странците во коментарите.
Според Јулија, повеќето руски и странски обожаватели на Кефир не веруваат дека мачорот навистина постои и прашуваат да не е во прашање монтажа.
„Многумина истом така сакаат да го купат „Кефир“, но тоа би било страшно. Тој е член на семејството. Нема да го дадеме под ниеден услов, само почесто ќе го фотографираме“, вели Минина.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
