Не пропуштајте!
Придружете се на Russia Beyond на Телеграм за повеќе есклузивни содржини
Кога прави слика, Леонид Валитов се буди во 4-5 часот наутро. Зиме утринската темнина ја поминува цртајќи во снегот четири часа. Наместо четкички користи лопата, а наместо платна лизгалиштето во дворот на својата зграда во Екатеринбург.
Понекогаш соседите гледаат само слатко маче и натпис „Добро утро“.
Или цртеж на мала жирафа.
Жителите на околните згради исто така се разнежнуваат кога ќе ги дочека слика на мал мамут и зборови од советски цртан филм за мамут што се загубил и трпеливо ги чека мама и тато.
„Најпрвин ги правам контурите на цртежот, а потоа го чистам снегот од мразот со помош на мојот алат кој е некој вид на тесна лопата“, вели Леонид.
Уметникот може да работи само кога ноќе паѓа снег и градските служби не успеале да го исчистат лизгалиштето. За жал, делото во кое вложува толку труд исчезнува до крајот на денот кога лизгалиштето е конечно исчистено.
Меѓутоа, Леонид веќе има околу илјада следбеници на „Инстаграм“, како свои соседи, така и други жители на Екатеринбург. Тие му се благодарни за работите, сакаат да му се придружат и да го набљудуваат креативниот процес или да бараат да ги повтори своите работи на други места во градот.
Леонид, исто така, навива и за локалниот хокеарски тим. Тој прикажа еден играч со натпис „Автомобилист, напред!“
Алудирајќи на пандемијата на ковид со слика со необичен лик, тој напиша: „2020, можеби е доста?“
Ова се останатите работи на Леонид. Неговата уметност не е само забавна. Тој често се занимава со еколошки прашања и заштита на животните и околината. На овој цртеж натписот гласи: „Слобода за делфините!“
Леонид всушност работи како масер и не е професионален уметник. Тој е и веган и ги охрабрува луѓето да прејдат на овој начин на живот, како и да почнат да се грижат за своето здравје.
Освен тоа, Леонид предлага да се намали сообраќајот и да се помине на велосипеди, за да може дворот да стане зелена површина, без паркирани автомобили и издувни гасови.
Понекогаш излегува од својот двор и црта на замрзнатото езеро. Овие работи имаат шанса да опстанат подолго од еден ден.
Леонид исто така има уште еден начин да ја покаже својата креативност: преку GPS-цртежи. На површината на замрзнатото езеро нацрта делфини трчајќи со пријател.
А едно лето кога немаше снег... Леонид на мапата на градот означи едно животно... и бараше од следбениците да погодат за кое животно станува збор.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
