Руски воен пилот спушти на земја авион полн со падобранци кому му откажал моторот

„Имајќи на располагање ограничено време, капетанот на воздухопловот, постариот поручник Максим Кабаков, правилно го оцени случувањето, го извести раководството за вонредната состојба во воздухот и за тоа дека е подготвен да изврши принудно слетување надвор од аеродромот на теренот што го избрал од воздухот“, соопшти рускиот воен ресор.

Сè се случичо во Псковската област. Авионот изведувал планирани школско-тренажни летови, а војниците вежбале десант. По полетувањето од аеродромот Крести на над 100 метри височина, авионот ја загубил влечната сила на моторот. Тогаш авионот со падобранците престанал да се крева и почнал да ја губи брзината.

Кога добил дозвола, пилотот го приземјил неисправниот авион на земја. Никој од оние кои биле во авионот не е повреден. По техничкиот преглед и поправката авионот ќе продолжи да се користи. Постариот поручник Кабаков ќе биде награден.

При користење на материјалите на Russia Beyond задолжителен е хиперлинк до изворот од кој е преземен материјалот.