Не пропуштајте!
Придружете се на Russia Beyond на Телеграм за повеќе есклузивни содржини
Луѓето во Советскиот Сојуз немаа голем избор на новогодишни подароци. Било што од домашна изработка, вклучувајќи кисели краставички, обично беше најдобрата опција. Како и некои советски слатки.
Меѓутоа, понекогаш единствениот начин да му го честитате празникот некому беше да му испратите разгледница. Советската пошта функционираше беспрекорно и нудеше огромен избор на честитки за сечиј вкус.
Повеќето од нив имаат цртежи на животни, Дедо Мраз и прекрасни сцени на шума покриена со снег.
Секој што е роден во СССР сигурно ги видел овие честитки со цртежи на Владимир Зарубин. Неговиот стил е препознатлив, а сликите на зајаци, верверички, мечиња на лизгалки и насмеан Снешко едноставно се пријатни за око.
Русите обично велат дека тоа се нежни слики кои го одразуваат стариот добар новогодишен дух пред бучната и блескава комерцијализација на овој празник.
Тајната на примамливата нежност на овие цртежи веројатно лежи во тоа што Владимир Зарубин учествуваше во создавањето на голем број советски анимирани филмови.
Повеќе од 30 години работеше во главното советско студио за анимирани филмови и беше меѓу уметниците кои ги илустрираа некои од најпознатите советски цртани (Волкот и зајакот, Си беше еднаш едно куче, Авантурите на Могли и други) .
Секое советско дете ги знаеше и сакаше ликовите од овие цртани филмови. А тие се појавуваа и на честитки.
Повеќето честитки ги прикажуваат слатките како најубави подароци и шумски животни кои се радуваат кога ќе ги добијат.
„Сите овие слики и ликови изгледаат како да блескаат, радосно и енергично“, ги коментираат старите разгледници корисниците на интернетот родени во СССР.
Многумина сѐ уште ги чуваат дома овие стари честитки дома и со носталгија ги читаат новогодишните желби напишани на нив со раката на најмилите.
Овие разгледници всушност покажуваат дека Новата година за советските луѓе беше весел зимски одмор кога сите беа среќни, децата добиваа подароци (и уживаа во празниците). Сите се смеат, се занимаваат со зимски спортови и други игри на снег.
Оваа естетика се стекна со голема популарност. Меѓу другото, и затоа што луѓето беа уморни од пропагандните плакати со пионери и храбри револуционери.
Ежови на скии, деца на санки и Снешко што ја украсува новогодишната елка станаа задолжителен дел од советската Нова година.
Водачите на СССР ја гледаа Новата година како политичка шанса: требаше овој празник да направи луѓето да заборават на Божиќ. Меѓутоа, благодарение на одличните филмови, анимациите и постерите, тој стана омилен празник без политика. Семеен празник кој носи радост, мирис на елка и мандарини.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче