Посета на Путин на Србија се очекува во мај

Kremlin Pool/Global Look Press
Белград се надева дека претседателот на Русија Владимир Путин ќе ја посети Србија во мај по Денот на Победата и дека ќе учествува во свеченото отворање на Храмот „Св. Сава“, изјави во интервју за РИА „Новости“ амбасадорот на Србија во Москва Мирослав Лазански.

„Ние во Србија се надеваме дека претседателот Владимир Путин ќе ја посети Србија во мај. Затоа што тогаш ќе се одржи свеченото отворање на храмот „Св. Сава“, кој ќе биде најголемиот православен храм на Балканот, а можеби и во светот. А тој е изграден со помош на Русија и Руската православна црква“, рече српскиот амбасадор.

„Очекуваме дека претседателот Путин, заедно со претседателот Вучиќ, свечено ќе го отвори храмот. Исто така, се надеваме дека на отворањето ќе присуствува патријархот Кирил“, додаде дипломатот.

Според него, отворањето на храмот „Св. Сава“ нема да се одржи пред 9 мај. „Веројатно кон средината на мај или кон крајот на мај“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња