Руска туристичка агенција нуди тури со вклучено вакцинирање со вакцината „Спутник V“

Global Look Press
Cosmos Travel ќе организира тури во Русија за руски државјани кои живеат надвор од границите на Русија, а цената на пакетот услуги, која вклучува и вакцинирање со вакцината „Спутник V“, се движи од 700 до 1500 евра.

Руската веб-страницата Cosmos Travel на 7 април пушти во продажба аранжмани за руски државјани кои живеат надвор од Русија, а кои вклучуваат вакцинирање против коронавирус.

Руските државјани ќе можат да дојдат во Русија на неколку дена за да се вакцинираат со вакцината „Спутник V“. Туристичкиот аранжман вклучува и престој, превоз, како и превоз до центарот каде што се врши вакцинацијата. Цената на авионскиот билет до Москва не е вклучена во цената, соопштува рускиот весник „Ведомости“.

Cosmos Travel претстави две варијанти на аранжманот, првата се однесува на патување во Русија, со престој во кој било град во траење од три недели (за да се успее со вакцинирање со двете дози на вакцината), и неговата цена е 1500 евра.

Вториот пакет е поевтин и чини 700 евра, и вклучува две патувања во Русија на по три дена.

Наведените туристички аранжмани се достапни за сите лица кои имаат руско државјанство и кои живеат надвор од границите на Русија.

Прочитајте повеќе: Креаторите на „Спутник Vˮ објавија извештај за сите ТРИ фази на испитувањата. ГЛАВНИ ЗАКЛУЧОЦИ

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња