Петербуржанка направила надградба на нокот со должина од речиси метар и половина (ВИДЕО)

Elena Sikorskaya/Global Look Press
Маникирка во салон за убавина во Петербург изјави за РИА „Новостиˮ дека на една клиентка ѝ надградила нокот во боите на руското знаме долг 1,35 метри.

„Надградбата на нокти е најпопуларната услуга во нашиот салон и сакавме да покажеме дека можеме да се избориме со сите тешкотии. Моделот е девојка со низок раст, па по надградбата на нокотот долг 1 метар и 35 сантиметри не беше многу понизок од неа. Наредниот ден ѝ го тргнавме, затоа што е невозможно да се носи“, изјави соговорничката на агенцијата Надежда.

Според неа, надградбата на нокотот обоен во боите на руското знаме и украсен со кристали траела околу шест часа. „Вредноста на потрошените материјали е околу 7 илјади рубли (околу 78 евра), беше потребно околу еден килограм лак“, истакна маникирката.

@leonova_nails_studio

А это ещё не конец😄 как думаете сколько он см? Лайк и расскажу продолжение #рек#хочуврек#рекорд#маникюр

♬ I'm So Pretty - chunkymonkeeyy

Сега таа ја пополнува пријавата за Гинисовата книга на рекорди за да биде забележан овој успех. „Според податоците од интернет, претходниот рекорд е околу 121 сантиметар, но во Гинисовата книга на рекорди засега официјално не постои таква ставка“, додаде Надежда.

Како што признава таа, нејзината работа наишла на голем одзив на социјалните мрежи. Снимката на ТикТок за еден ден собра 1,3 милиони прегледи.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња