Екипата на КамАЗ-мастер ја однесе 18 победа на релито Дакар

kamaz.ru
Возачот Дмитриј Сотников победи на рели-маратонот првпат во својата кариера. Тимот на руската екипа КамАЗ-мастер предводен од Дмитриј Сотников победи во генералниот пласман на рели-маратонот Дакар во категоријата камиони. Трката се возеше во Саудиска Арабија.

Во последната, 12 етапа, Сотников беше втор, заостанувајќи четири секунди зад Чехот Мартин Мацику со „Ивеко“. Трет беше еден од претставниците на КамАЗ-мастер Антон Шибалов.

Токму тој резултат беше доволен за Сотников да го задржи водството во генералниот пласман. Возачите на КамАЗ-мастер ги освоија на маратонот сите три победнички места. Втор беше Антон Шибалов, а трет Ајрат Мардеев.

За Сотников оваа победа беше прва на Дакар. Претходно 35-годишниот возач го освојуваше второто место на натпреварувањата во 2017 и 2019 година. Русинот во 2013 и 2017 година победи на релито „Патот на свилата“.

За тимот на Камаз-мастер победата на Дакар беше петта по ред и вкупно 18-та. Освен во вкупниот пласман на возачи на камиони, руските возачи победуваа и во категоријата квадрицикли. Во 2017 година првото место го зазеде Сергеј Карјакин. 

Рели-маратонот Дакар се одржа вторпат по ред во Саудиска Арабија. Договорот со владата важи пет години. Трката се одржува од 1978 година. За време на првите 30 години, рели-маратонот се одржуваше претежно на подрачјето на Северна Африка со финалето во Дакар, главниот град на Сенегал. Во 2008 година натпреварувањето беше откажано поради терористички закани, а потоа 11 години се одржуваше во Јужна Америка.

Прочитајте повеќе: Зошто Камаз е најдобар на светот?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња