Руските биатлонистки го зазедоа целиот победнички подиум на стартот на Купот на ИБУ

Global Look Press
Во германскиот Арбер се одржа првата трка сезонава во рамките на првата етапа на купот на ИБУ. Во четвртокот, 14 јануари, во женската спринтерска трка победија Русинките, заземајќи ги првите три места.

Првото место го зазеде Татјана Акимова, која ја помина дистанцата од 7,5 километри за 22 минути и 30,7 секунди, со едно промашување при гаѓањето.

Татјана Акимова

Втор резултат постигна Валерија Васнецова (стигнувајќи 9,8 секунди подоцна, со две промашувања). Трета на подиумот беше Анастасија Шевченко, која стигна 23 секунди по победничката, со беспрекорно гаѓање. 

Меѓу првите 10 се најде уште една претставничка на Русија - Тамара Воронина, освојувајќи ја деветтата позиција. Таа стигна на целта 42,9 секунди по Акимова, со едно промашување при гаѓањето.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња