На мачор пронајден на отпад во Русија му се бендиса место во министерска фотелја

Пресс-служба Минприроды Ульяновской области
Во рускиот град Улјановск при сортирање отпад во една вреќа беше пронајдено отфрлено маче. Потоа повеќе ништо не беше исто во неговиот живот. Во овој момент се наоѓа во локалното Министерство за природа каде што веќе седна во фотелјата на регионалниот министер и дури доби и задолжение.

Министерот за природа на Улјановската област Гуљнара Рахматулина покрена иницијатива мачорот да се доведе во овој ресор, во кој е воведена неофицијалната функција заменик-министер за природа, соопшти службата за односи со јавноста.

Откако вработениот Михаил Тукаш го спаси мачорот нему и на директорот на „Горкомхоз“ им стигнаа бројни писма на благодарност за совесната работа и придонесот за зачувување на животинскиот свет. Мачорот го прегледаа ветеринари и утврдија дека неговата здравствена состојба е задоволителна. Животното беше третирано со средство против болви и треба да добие вакцини.  

Приказната за овој мачор ги допре жителите на цела Русија, дури беше распишан и конкурс за избор на неговото име. Предлозите се примаат во Министерството за природа на Улјановската област.

Вреќата со мачорот беше забележана на лента со отпад во Улјановск. Животното по некое чудо го избегна сепараторот. Сопствениците на мачорот не стапија во контакт со Министерството. Повеќето време тој живее во холот, а местото во министерската фотелја многу му се допадна.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња