Припадниците на Министерството за вонредни состојби на Русија спасиле 2,5 милиони луѓе за 30 години

Во текот на триесетте години постоење Министерството за вонредни состојби на Русија спасило 2,5 милиони луѓе, изјави првиот заменик-раководител на овој ресор Александар Чупријан на конференцијата за медиумите одржана во просториите на новинската агенција ТАСС.

„Во текот на наведените три децении се спасени повеќе од 2,5 милиони луѓе. Значи цел еден град. Во принцип спасуваме годишно од 100 до 200 илјади луѓе“, нагласи тој.

Претходно Евгениј Зиничев во интервју дадено за новинската агенција ТАСС изјави дека годинава бројот на вонредни состојби во Русија пораснал за речиси 30 отсто, но истовремено е и значително намален бројот на загинати и повредени. Во Русија во текот на оваа година во вонредни состојби, пожари и сообраќајни несреќи се спасени повеќе од 100 илјади луѓе.

При користење на материјалите на Russia Beyond задолжителен е хиперлинк до изворот од кој е преземен материјалот.