Росгвардија го опиша идеалниот профил на своите припадници

Росгвардија

Росгвардија

TASS
Росгвардија подготви соодветна белешка во која ги запознава своите припадници со идеалниот профил на нејзиниот припадник. Како што се наведува, Росгвардеецот неизоставно би морал да биде ладнокрвен, воздржан и да им се обраќа на граѓаните со „Вие“.

Сите соработници и војници на Росгвардија мораат да тежнеат кон идеалниот профил на нејзиниот припадник. Тој треба да биде професионално обучен, коректен, ладнокрвен и решителен... Претставникот на Росгвардија во сите пригоди треба да биде смирен и воздржан, внимателен во комуникацијата со граѓаните, да им се обраќа со „вие“, да ги изложува своите барања во убедлива и разбирлива форма, да не дозволува спорења и постапки кои ги навредуваат честа и достоинството, се вели во белешката.

Како што се наведува, припадниците не смеат да влегуваат во судир и на некултурно однесување да одговараат со иста мера. Барањата до новинарите да го прекинат снимањето на масовни настани не се законити, се нагласува во белешката. Заканувањето со повикување на одговорност на вработените во медиумите според член 19.3 на Законот за прекршоци (непочитување на законска наредба на полициски службеник) е неприфатлива.

Треба да се знае дека сите постапки на соработниците и војниците на Росгвардија при вршењето на службените должности будно ги следат граѓаните и медиумите, се наведува во документот.  

Во јули претседателот на РФ Владимир Путин потпиша закон според кој припадниците на Росгвардија се обврзани да им се претставуваат на граѓаните и да ја покажат легитимацијата на нивно барање.

Прочитајте повеќе: „Спецназ и мачиња”: Росгвардија со нов календар го честита 8 март на припадничките на поубавиот пол

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња