Лос се шеташе по улиците на Москва, јадеше јаболка и се криеше од полицијата (ВИДЕО)

Ова крупно диво животно се шеташе меѓу зградите во московската станбена населба Перово, а потоа ја претрча улицата и го привлече вниманието на полицијата.

Очевидци го снимија со камера залутаниот лос. Најпрвин тој забележа јаболкница во дворот на една зграда во Првата владимирска улица и малку касна. Потоа ја помина улицата на место каде што нема пешачки премин. За среќа, возачите на време го видоа и го пропуштија. Животното беше забележано и во Перовската улица меѓу зградите, а и во близина на училиштето. Подоцна беше фатено и вратено во природа. Според зборовите на локалните жители, лосот често навраќа во оваа населба. Се претпоставува дека доаѓа во градот од Измаиловскиот парк.

При користење на материјалите на Russia Beyond задолжителен е хиперлинк до изворот од кој е преземен материјалот.