Руски рибари на Курилите уловија сина туна тешка речиси 200 килограми (ФОТО, ВИДЕО)
Андреј Шапран/Global Look Press
Сината туна тешка 184 килограми се вплетка во мрежата на рибарскиот брод „Бухтата на Наталија“ во близина на Јужните Курили.
Толку голема риба е првпат доставена во поморското рибарско пристаниште во Владивосток, пренесуваат руските медиуми.
„Во пристаништето „Владморрибпорт“ се вкотви бродот „Бухтата на Наталија“, кој достави улов со рекордна големина. Сината туна тешка 184 килограми е успешно складирана во фрижидер. Рибата донесена во пристаништето е уловена со помош на мрежа недалеку од Јужните Курили“, се вели во соопштението.
Според тврдењата на далекоисточните рибари, станува збор за голем успех.
При користење на материјалите на Russia Beyond задолжителен е хиперлинк до изворот од кој е преземен материјалот.
Повеќе возбудливи стории и видеа на
Фејсбук страницата на Russia Beyond-Македонија