Мечки се степаа и ја растурија оградата на границата меѓу Русија и Кина

Legion Media
Во овој „руско-кинески пограничен конфликт“ се уништени и неколку камери.

Две мечки во тепачка ја растурија оградата на руско-кинеската граница во Еврејската автономна област. Снимката од судирот ја објави на „Инстаграм“ центарот „Амурски тигар“.

На видеоснимката се гледа како мечките ѝ приоѓаат на границата од различни страни и започнуваат тепачка во која ја растураат оградата.

„Тигрите на тоа место поминуваат мирно, без врева и кревање прав, а мечките дојдоа и веднаш растурија сé! И на други места исто така уништија еден број камери“, се наведува во описот на видеоснимката.