Градоначалникот на Москва: Вистинскиот број на заразени со коронавирус во Москва е 300 илјади

Константин Кокошкин/Global Look Press
„Тоа што откривме толку многу болни не е минус, туку огромен плус“, истакна Собјанин.

Градоначалникот на Москва Сергеј Собјанин изјави дека во главниот град на Русија има всушност околу 300 илјади заразени со коронавирус. „Тоа што откривме толку многу болни не е минус, туку огромен плус. Очигледно е дека во градот има уште повеќе болни. Нашите скрининг тестови покажуваат дека 2-2,5% Московјани се заразени со корона, а тоа значи околу 300 илјади луѓе“, рече градоначалникот. 

Според последните податоци, во Москва се потврдени 92676 случаи на заболување од корона, а во земјата вкупно 117160. За целото време на пандемијата починаа 905 луѓе, 9227 се излечени. 

Градоначалникот на Москва исто така изјави дека жителите на градот ќе мораат да носат маски и ракавици во јавниот превоз.

„Им даваме можност на поголемиот број луѓе да работат и сфаќаме дека ќе се зголеми бројот на луѓе во јавниот транспорт. Затоа воведуваме дополнителни мерки на самоизолација во метрото. Ќе биде задолжително носењето маска, ракавици, како и некои други барања за контрола на движењето во градот“, рече Собјанин.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња