Патријархот Кирил со чудотворна икона ја обиколи Москва молејќи се за спас од епидемијата

Патријархот Московски и на цела Русија Кирил тргна во молитвена обиколка од својата резиденција во Чисти переулок и направи круг околу руската престолнина возејќи се во автомобил и носејќи ја иконата на Мајката Божја Умиление која се смета чудотворна. Патријархот се молеше, како што пренесуваат руските медиуми, за спасение од „помор“.

Иконата на Мајката Божја Умиление е светиња од ќелијата на преподобниот Серафим Саровски пред која тој се молел во својата испосничка самотија. По неговата смрт е однесена во Дивеевскиот женски манастир каде чудотворната икона стана главна светиња.

Вакви молитвени обиколки се изведуваат по правило во тешки времиња за земјата. Така, на пример, есента 1941 за време на најтешките борби за Москва се одигра една таква обиколка која траеше повеќе од еден час и заврши во Богојавленскиот храм, каде патријархот сам се молеше во празната црква.

Вчера во центарот на Москва се одржа литија за запирање на пандемијата на новиот коронавирус. Свештениците во поворката на Таганка носеа кандила и икони.  

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња