Како се справува Русија со коронавирусот?

СЗО го прогласи коронавирусот за пандемија. Во моментов има над 128.000 заразени луѓе ширум светот, а тој број расте. Какви мерки се преземаат во Русија за да се запре ширењето на вирусот?

Колку луѓе се заразени во Русија?

Руски медицински експерт ги проверува патниците кои пристигнуваат од Италија внатре во авионот на аеродромот Шереметјево, Москва, 8 март 2020 година.

AP

Според официјалните податоци, заклучно со 13 март во Русија се регистрирани 45 случаи на коронавирус: половина во Москва, а другите во региони (Казањ, Нижни Новгород, Калининград, Липецк и Белгород). Тука спаѓаат и двајца кинески државјани и еден италијански. Досега три лица веќе закрепнале (и нема починати), но повеќе од 5.000 лица се под надзор само во Москва. Станува збор за Руси кои ги посетиле земјите погодени од вирусот, како и оние кои по нивното враќање имале контакт со нив.

Рускиот премиер Михаил Мишустин на 12 март изјави дека „заканата од ширење на инфекција во нашата земја е минимизирана“, поради преземените навремени мерки.

Не е добро време за одмор во странство

На аеродромот

Moskva Agency

Русија беше една од првите земји во светот што ги ограничи редовните летови кон Кина. Во февруари Русите почнаа да се евакуираат на специјалните летови од Вухан и од другите градови во Кина.

Бројот на летови кон Кина, Јужна Кореја и Иран е драстично намален: Распоредот на „Аерофлот“ вклучува дневни летови само до Пекинг, Шангај и Сеул, како и неделни летови кон Техеран. Другите авиокомпании привремено ги прекинаа летовите кон овие земји. Од 13 март ограничувања се наметнати на летовите во Германија, Италија, Шпанија и Франција, освен Рим, Берлин, Минхен, Франкфурт, Париз, Мадрид и Барселона. Летовите до овие градови ќе има само од терминалот Ф на аеродром Шереметјево.

Обука за евакуација на патници со осомничен коронавирус, аеродром Чељабинск, 5 февруари 2020 година.

Наиљ Фатахов/TASS

Руските железници, исто така, ги суспендирале возовите кон Ница (Франција), Пекинг (Кина), Уланбатар (Монголија) и Туманган (Северна Кореја), но сепак има возови до Берлин и Париз.

Руските авиопревозници најавија дека во наредните денови ќе има чартер летови за превоз на странски државјани што сега се наоѓаат во Русија, до нивните соодветни земји, како и за Русите кои се во странство. Редовните билети можат да се заменат за други датуми и дестинации.

Откажување на странски туристи

Црвениот плоштад на 10 март 2020 година

Getty Images

Влезниот туризам во Русија се соочува и со криза. Од 13 март Русија престана да издава туристички визи и за италијански државјани. На почетокот, престана да издава туристички визи за Кина и Иран.

Идните туристи, исто така, остануваат дома. Според Здружението на руски туристички оператори, цената на откажаните тури од март до мај изнесувала повеќе од 500 милиони рубли (околу 7 милиони американски долари), а странците, всушност, престанале да резервираат тури во Русија за летото.

Забрана за настани на повеќе од 5.000 луѓе

Брза помош во Московскиот регион

Стаислав Красиљников/TASS

Поради коронавирусот, годишниот економски форум во Санкт Петербург во јуни е откажан, додека Москва ги забранува сите настани со повеќе од 5.000 луѓе.

Сепак, не е донесена одлука за целосен карантин на целата држава: училиштата, универзитетите и градинките се отворени и функционираат како и обично. Досега само се откажани воннаставните активности на учениците во групи, како што се тури во музеи и изложби, а на децата на училиште секој ден им се мери температурата. Болните се испраќаат дома.

Многу компании откажаа патувања во странство, и воведоа дополнителни мерки за дезинфекција на нивните канцеларии. Некои им овозможуваат на вработените да работат далечински од дома. Русите исто така се потсетуваат да ги мијат рацете почесто, да не го допираат лицето, особено очите и да избегнуваат јавен превоз за време на пикот.

Санитарна дезинфекција по карантин од КОВИД-2019 во Тјумењ, 21 февруари 2020 година.

Максим Слуцки/TASS

Русите кои се враќаат дома од Кина, Италија, Франција и други земји погодени од вирусот, мораат да го пријават своето патување преку телефонска линија и да останат дома 14 дена. Официјална лекарска потврда со која се запишува болеста ќе биде донесена дома од страна на курир. На работниците им треба ова за да му докажат на својот работодавец дека се навистина болни. И ако имаат треска или кашлица, тогаш треба да повикаат брза помош. Ако тестот за вирусот е позитивен, тогаш лицето ќе биде испратено во болница за заразни болести.

При користење на материјалите на Russia Beyond задолжителен е хиперлинк до изворот од кој е преземен материјалот.