Руските мажи ги прашаа кои се идеалните години за стапување во брак. Еве што велат!

Повеќе од половината анкетирани мажи (58,6%) сметаат дека официјализирањето на првиот брак е задолжителен услов за среќен заеднички живот. Уште 31,4% се согласуваат дека официјалната регистрација на бракот е многу пожелна. Тие го изнесоа овој став во анкетата на Федералната служба за државна статистика.

А само 10% испитаници не се подготвени да ги озаконат вонбрачните односи.

Притоа просечната старост на руските мажи при склучувањето брак е 27 и пол години. До 30-та година од животот големо мнозинство припадници на посилниот пол е веќе оженето или било оженето.

Но пред свадбата идните сопружници би требало да живеат некое време заедно, сметаат мажите (43,6% испитаници). И жените во тоа целосно ги поддржуваат.

Од оние мажи кои живеат во вонбрачна заедница повеќе од 40% не сакаат да ја озаконат врската ако не дојде до бременост, а 33% не планира да го стори тоа ни по раѓањето на детето.

Најодлучни по повод исполнувањето на брачните обврски се мажите со средно стручно и завршено високо образование. Половината мажи би сакале да одгледуваат две деца. А 20% планираат да имаат три. Меѓу причините кои ги спречуваат да имаат поголемо семејство мажите ги наведуваат материјалните тешкотии, несигурната иднина и станбените проблеми.

Статистиката покажува дека во Русија доаѓа до таканаречениот „парадокс на обратна поврзаност“ на наталитетот и нивото на приходите, кој се случува во сите развиени земји.

Суштината на овој феномен е во тоа што посакуваниот и очекуваниот број на деца е најголем во групите кои се ограничени според нивото на приходи: деца најмногу сакаат да имаат мажите во релативно сиромашните и релативно богатите семејства. Во семејствата со средно ниво на приходи разликата меѓу посакуваниот и очекуваниот број на деца е минимална.

При користење на материјалите на Russia Beyond задолжителен е хиперлинк до изворот од кој е преземен материјалот.