ВИДЕО: жителите на Јакутск со традиционален танц ја поздравија одлуката за изградба на мост на Лена

Повод за танцот беше одлуката на раководството на републиката да изгради мост преку реката Лена. Проектот, според претседателот на регионот Ајсен Николаев, го одобри претседателот Владимир Путин, пренесува ОТР.

Јакутск во моментов е практично отсечен од остатокот на светот. До него преку Лена може да се стигне само со ховеркрафт. Цената на едно возење е околу 2 илјади рубли (14 евра).

Мостот ќе поврзе три федерални рути: железничката, речната и воздушната, како и три регионални автопати. Се очекува по изградбата на мостот транспортот на роба да порасне тројно и да достигне 6 милиони тони годишно.

При користење на материјалите на Russia Beyond задолжителен е хиперлинк до изворот од кој е преземен материјалот.