Пет нови острови се појавија во Русија

Кај архипелагот Земјата на Франц Јозеф на Арктикот, група на Северната флота откри пет нови острови во Карското море, објавија руските медиуми повикувајќи се на прес-службата на Северната флота.

Како што изјавија членовите на експедицијата, површината на островите е од 900 до 54,5 илјади квадратни метри. Тие се наоѓаат во заливот Визе. Се наведува дека новите географски објекти се фотографирани и опишани и дека ќе станат дел од руската територија.

„На новите острови се извршени топографски снимања”, истакнува прес-службата.

Исто така се наведува дека стручњаците првпат ги откриле овие острови во 2016 година при анализа на сателитски снимки. Веројатно претходно не се гледале бидејќи ги криел глечер.

При користење на материјалите на Russia Beyond задолжителен е хиперлинк до изворот од кој е преземен материјалот.