Ветераните на руската разузнавачка служба инсистираат на поголем број жени кај шпионките

Кадар од серискиот филм „Американци“

Кадар од серискиот филм „Американци“

kinopoisk.ru

Бројот на жени во руската разузнавачка служба, па и на раководните места мора да биде зголемен, сигурен е искусниот разузнавач Андреј Безруков.

„Јас сум за еднаквост кај половите во оваа професија. Поголемиот број мажи во нашата разузнавачка служба е наследство од минатите времиња“, вели тој и го свртува вниманието на тоа дека во американските и во британските разузнавачки служби има повеќе жени на раководни места. „Разузнавачот мошне често се раководи од својата интуиција, а со интуицијата, ако смеам да кажам, е повеќе надарена жената одошто мажот“, вели Безруков.

Андреј Безруков и Елена Вавилова го претставија својот роман за работата на разузнавач под насловот „Жената која умее да ги чува тајните“.

„Зошто е ова исповед на жена во прво лице? Затоа што во нашата современа литература нема многу стории за жени, а уште помалку за жените во разузнавачката служба“, вели Вавилова и објаснува дека сакала во нејзината книга да покаже како еден филмски лик се разликува од реалниот. Луѓето што очекуваат шпионски роман ќе бидат разочарани кога ќе прочитаат дека разузнавачката работа е пред сè монотона работа, вели таа.

Безруков и Вавилова имаат работено во Северна Америка под имињата Доналд Хауард Хитфилд и Трејси Ли Фоли над 20 години. Депортирани се заедно со уште осум сонародници од Русија откако беа уапсени на 9 јули 2010 година. Во замена за нив Русија ослободи четири лица кои работеа за американската разузнавачка служба.

Врз основа на приказната за семејството Фоли снимена е популарната телевизиска серија „Американци“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња