Видео: Како Фјодор Емелјаненко за 30 секунди го загуби мечот против Американецот Бејдер

Американецот го нокаутираше Емелјаненко со првиот удар, на самиот почеток на првата рунда. Борбата траеше триесетина секунди.

Фјодор влезе во октагонот, како и секогаш, со звуците на руска народна песна. Потоа беа интонирани руската и американската химна, по што почна мечот.

Првите дваесетина секунди немаше удари. Борци повеќе се испитуваа еден со друг. Меѓутоа, првиот удар на Бејдер беше фатален – Фјодор буквално се урна на подот, по што Бејдер го дотепа со уште два-три удари. Емелјаненко не даваше отпор и судијата го запре мечот.

Фјодор стана сам, без ничија помош, и веднаш беше прегледан од лекар. Многу е веројатно дека по оваа борба Емелјанено ќе објави крај на кариерата.

Бејдер е сега на врвот на својата кариера. Тој прв во историјата на купот „Белатор“ стана шампион истовремено во полутешка и тешка категорија.

При користење на материјалите на Russia Beyond задолжителен е хиперлинк до изворот од кој е преземен материјалот.