Путин го обвини Горбачов за еднострано ракетно разоружување 1987 година

Горбачов и Реган го потпишуваат Договорот за ликвидација на балистичките ракети со мал и среден дострел. Вашингтон, 8. 12. 1987.

Xinhua
Според Договорот за нуклеарните сили, во Америка познат како INF (Nuclear Forces Treaty), а во Русија под кратенката ДРСМД, а кој претседателите Роналд Реган и Михаил Горбачов го потпишаа 1987 година, фактички само Советскиот Сојуз се разоружа, изјави претседателот на Русија Владимир Путин.

На колегиумот на Министерството за одбрана на РФ Путин потсети дека со тој договор се ликвидирани ракетите со дострел од 500 до 5000 км.

„Договорот значеше ликвидација на ракетите со копнено базирање, а Советскиот Сојуз во тоа време не ни имаше други ракети, додека Соединетите Американски Држави имаа ракети со поморско и воздушно базирање. Ние немавме! Затоа од гледна точка на Советскиот Сојуз тоа беше еднострано разоружување“, рече Путин.

Рускиот претседател истакна дека не може да сфати зошто раководството на СССР се согласило на таков договор.

„Но тоа  е сторено, а нашите партнери продолжија да ги развиваат ракетните системи – повторувам – со поморско и воздушно базирање“, рече Путин.

Путин претходно на колегиумот зборуваше дека повлекувањето на САД од Договорот за ликвидација на балистичките ракети со мал и среден дострел може да доведе до рушење на целиот систем за контрола на вооружувањето и неширење на оружјето за масовно уништување.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња