ФОТО: Десетте најубави жени на руските фудбалери

Ина Жиркова

Ина Жиркова

Анатолиј Ломохов/Global Look Press
Обрнете внимание на овие убави жени кои навиваат за Русија на стадионите на Светското првенство во фудбал 2018.

1. Ина, сопруга на Јуриј Жирков

Ина и Јуриј се запознаа во 2007 година и тоа беше љубов на прв поглед. Уште како ученичка во средно училиште Ина ја има освоено титулата Мис на Калининград, а во 2012 година е прогласена за Мис на Русија. Сепак, се откажа од круната зашто на новинарите не можеше да им одговори на прашањето дали Земјата се врти околу сонцето или обратно, и кој е композиторот на „Полонезата на Огински“ (одговор: самиот Огински). Како што можете да претпоставите, медиумите беа неуморни.

Ина сега има своја модна линија и е мајка на три деца.

2. Вероника, сопруга на Александар Ерохин

Вероника е маркетинг-менаџер, но откако се омажи им се посвети на децата. Таа е редовен навивач на натпреварите на клубот Зенит од Санкт Петербург. Понекогаш доаѓа на трибините со сина си.

3. Екатерина Герун, сопруга на Игор Акинфеев

Младата актерка од Киев му го освои срцето на моментално најдобриот руски голман и по неколку филмски улоги и учества во музички спотови денес е мајка на две деца. Екатерина многу се грижи за приватноста и стои настрана од медиумите.

4. Анастасија, сопруга на Фјодор Кудрјашов

Анастасија признава дека по натпреварите таа и нејзиниот сопруг седнуваат да ја анализираат играта. Се запознале како тинејџери во сибирскиот град Братск, а сега живеат во Москва. Имаат син и ќерка.

5. Наталија, сопруга на Сергеј Игнашевич

Наталија го сретнала моментално најстариот (38) одбранбен играч на руската репрезентација како водителка на еден спортски телевизиски канал. Кариерата не ја запоставила, иако е мајка на две деца. Наташа го води и сајтот на својот сопруг.

6. Александра, сопруга на Јуриј Газински

Работеше како стилист на една руска телевизија. Александра и Јуриј се имаат запознаено во школските денови и имаат студирано во истиот град на рускиот далечен исток. Александра живее малку во Москва, малку во Краснодар кадешто игра Јуриј. Брачната двојка има мала ќерка.

7. Екатерина, сопруга на Игор Смољников

Екатерина и Игор се запознале преку заеднички пријатели кои биле во врска. Вљубената двојка се венчаше и сега има две деца. Заедно со Викторија Шарова, сопругата на фудбалерот Олег Шаров, Екатерина ја основаше добротворната фондација „Играј и помогни“.

8. Кристина, сопруга на Артјом Ѕјуба

Артјом ја запозна Кристина на новогодишната вечер во 2012 година и веднаш сфати дека таа е „вистинската“. Се венчаа по само еден месец и Кристина се пресели од Нижни Новгород во Москва. На синот му го дадоа името Никита.

9. Зарема, сопруга на Алан Ѕагоев

Зарема израснала во Владивосток, на југот од Русија, а по училиштето се преселила во Москва каде го запознала својот иден сопруг. Алан и Зарема се забавуваа неколку години, а склучија брак во 2012 година. Зарема е правник, но настапува и во Московскиот ансамбл на осетински игри.

10. Рамина, сопруга на Роман Зобнин

Рамина е главен навивач на Роман Зобнин и мајка на нивниот син Роберт. Двојката се запознала во Тољати, откако Рамина дошла на стадион да го гледа натпреварот на локалниот фудбалски клуб, а младиот спортист потоа го нашол нејзиниот профил на една социјална мрежа и прв ѝ пишал.

Рамина е присутна на сите натпревари на својот сопруг. Кога Роман сериозно се повреди, ги замоли неговите навивачи да снимат видеопорака, да го поддржат и да му посакаат брзо закрепнување. По два месеци фудбалерот веќе беше на теренот. Тоа е љубов!

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња