Видео:Голманот на руската хокеарска репрезентација е толку тежок што мораат да го тркалаат до мразот

Василиј Кошечкин

Василиј Кошечкин

Ondrej Deml/Global Look Press
Голманот на хокеарската репрезентација на Русија Василиј Кошечкин на 15 мај од соблекувалната до мразот го превезоа во количка. Настанот беше снимен на Светското првенство во Копенхаген, а заради поголем ефект снимката оди со „Маршот на империјата“ од филмот „Војни на ѕвездите“.

Вршителот на должноста главен тренер на руската хокеарска репрезентација Илја Воробјов изјави дека на Кошечкин му е тешко да стигне до мразот и затоа го тркалаат, а соблекувалната е предалеку од арената во Копенхаген.

„Нашата соблекувална е предалеку од арената, а организаторите одбија да ни ослободат пократок пат. Велат дека мразот ќе се стопи ако го отворат. А Василиј без опремата е тежок 110 кг. Тешко му е, па решивме да го возиме. Првпат во животот гледам такво нешто“, вели тренерот.

„Зар не видовте како Канаѓаните го превезуваат својот голман“, прашува помошниот тренер на рускиот стручен штаб Алексеј Кудашов. „Дали знаете колку ни треба да стигнеме до арената? Одиме три и пол минути. А паузата ни е само 15 минути. Се снаоѓаме како знаеме и умееме“.

И покрај добрите одбрани на Василиј Кошечкин, репрезентацијата на Русија на 15 мај загуби од Шведска со резултат 1:3. Но, екипата се пласираше во четвртфиналето и денес, 17 мај, игра против репрезентацијата на Канада.

Прочитајте за последниот успех на руските хокеари: Ја победија Германија и станаа олимписки шампиони првпат по 1992 година

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња