Рубљата паѓа - Русите купуваат мачки: необјаснива причинско-последична врска

Падот на рубљата предизвика една сосем необична реакција на руското општество: Русите се впуштија во купување мачки! Тоа е некоја засега необјаснива причинско-последична врска.

На рускиот веб-сајт за огласи „Јула“ тврдат дека побарувачката за мачки нагло скокнала.

„Продажбите го достигнаа врвот во вторникот, 10 април. Во споредба со 3 април се продадени 3,6 пати повеќе мачки. Во понеделникот на 9 април продажбата скокна за 213% во споредба со ситуацијата од 2 април“, покажува статистиката на „Јула“.

За два дена, од 9-10 април, преку наведениот сајт се продадени 4 пати повеќе мачки во споредба со претходната седмица. Русите бараа пред сѐ шкотски мачки (40%), британска кратковлакнеста мачка (26%) и мачки Мејн Кун (8%). 

Дознајте кои се најбараните мачки во Русија

При користење на материјалите на Russia Beyond задолжителен е хиперлинк до изворот од кој е преземен материјалот.