Не пропуштајте!
Придружете се на Russia Beyond на Телеграм за повеќе есклузивни содржини
Ова е јадење со месо со густ варен сос, иако може да се подготви и со риба. Самото име на руски потсетува на уши, но всушност доаѓа од зборот „уха“, како што некогаш се нарекувале чорбите од риба, но и од месо.
Според рецептот, зеленчукот (морков и кромид) и овчо месо се пржат со зачини, потоа се ставаат во земјен лонец и се динстаат долго на тивок оган со повремено додавање вода, сé додека месото целосно не омекне. Постои уште еден начин да се добие сочно и меко месо: глинениот сад се поклопува со тенок слој тесто за течноста да не испари брзо.
На грбот на градот Переслављ-Залески се прикажани две риби од видот рапус, кои Русите ги нарекуваат „рјапушка“. Во минатото, локалното Плешчеево езеро било познато по овој специјалитет и иако денес риболовот е ограничен, јадењето секогаш можете да го пробате во градските кафе-ресторани. Рапусот најчесто се подготвува со пржење, сушење или димење, но популарни се и рецептите во кои се маринира со зеленчук или во сос од павлака. На рапусот со нејзиниот благ вкус и мирис на кисели краставички е посветен музеј на брегот на езерото.
Рапусот или рјапушката е мала риба, долга од 13 до 35 сантиметри. Истовремено се нарекува и „царска харинга“, со оглед на тоа што со векови била на царската трпеза. Со воодушевување ја споменува и францускиот писател Александар Дима во писмо до својот син при неговата посета на овие краишта.
Кромидот од Ростов Велики е гордоста на овој регион. Има сладок вкус, одлично се чува. Затоа и не е невообичаено што локалните жители научиле да го користат не само за чорби и солени јадења, туку и да прават мармалад од него.
За правење мармалад се избира слатката црвена сорта на кромид. Се сече и се динста долго со додавање на зачини, црвено вино и мед. Готовиот мармалад се служи со јадења со месо, зеленчук, сирење и вино.
Краставичките од селото Вјатско се познати уште од втората половина на XIX век. Тогаш локалните кратки полнички краставички се испорачувале на царската трпеза. Добри се и свежи и кисели. А можат да се киселат со лук и копар, или може да се ароматизираат со лисја од рибизла и даб. Порано се динстале во млеко со кромид и лук, но иако оваа комбинација е само за љубителите, локалните пирошки од 'ржано брашно со фил од кисели краставички изгледаат многу попримамливо. Можете да ги пробате во многу локални ресторани.
Пијалокот со симпатично име „душепарка“ (сауна за душа) потекнува од Јарославската област. Овој локален варен пијалак се подготвува со додавање на мед, брусница и зачини. Како алкохолна состојка може да се користат и вино, и пиво. Пијалокот се пие топол за да ја „згрее и крепи душата“.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
