Не пропуштајте!
Придружете се на Russia Beyond на Телеграм за повеќе есклузивни содржини
Наједноставниот начин да ја упропастите оваа традиционална салата е да ѝ додадете состојки кои не ѝ се својствени.
„Еднаш на гости пробав руска салата со кисела зелка. Отпрвин никој не можеше да разбере за што се работи, а потоа домаќинката призна дека не можела да најде обични кисели краставички. И не смислила ништо подобро од тоа да додаде кисела зелка во салатата. Затоа салатата имаше чуден кисел вкус“, напиша на интернет форум извесна Тамариска.
Освен тоа, во руската салата понекогаш се додава млад кромид, иако повеќето претпочитаат да го поминат празникот без него или да го користат само во мали количини како декорација. Необичен вкус дава и јаболкото - од една страна ѝ дава дополнителна свежина на салатата, но од друга неговата сладост го нарушува вообичаениот вкус на руската салата. Понекогаш во руската салата додаваат и пченка, која исто така е избор само за љубителите. Уште поштедливите домаќинки во руската салата ги додаваат и остатоците од матната течност од конзервата со грашок, што ви гарантира дека наместо салата ќе добиете каша.
Но, дури и кога подготвувате руска салата според некој класичен рецепт, важно е да користите квалитетна шунка или месо, да не претерувате со количината на компир (тогаш салатата ќе биде премногу скробна и леплива) и да не се превари зеленчукот.
А секоја руска салата со инаку идеални состојки ќе ја расипе евтиниот, неквалитетен мајонез.
За разлика од руската салата, младиот кромид е редовна состојка во „харингата во бунда“. Но, ако ставите премногу од кромидот, можете да добиете пеколна забава. Затоа е подобро да се користи препорачаната количина. Покрај тоа, вкусот на кромидот можете да го ублажите така што ќе го попарите или ќе го прелиете со сок од лимон.
Ако компирите и морковите ги готвите заедно со цвеклото, целиот зеленчук ќе биде приближно иста боја, така што нема да добиете убави разнобојни слоеви. И многу непријатно изненадување за гостите може да бидат преостанати коски од харингата.
Ако секој слој обилно го премачкате со мајонез, ќе добиете премногу мрсно јадење: харинга што плива во мајонез со нестабилни слоеви зеленчук. Исто така, погрешно е да се готви ова јадење непосредно пред доаѓањето на гостите. Подобро е да се направи малку порано, бидејќи за време на стоењето умерено количество мајонез ќе навлезе во целата салата.
Колку готвачи – толку и рецепти за боршч, но сепак има успешни варијанти на кои треба да се потпрете.
Вообичаено, за боршч се користи домашен булјон за кој ви треба квалитетно месо - говедско со коски - и трпение. Вообичаен начин да се расипе боршчот е месото да го прелиете со топла вода, а не со ладна, и да го варите на силен оган без да ја отстранувате пената. Тогаш гарантирано ќе добиете леплива слуз околу рабовите на тенџерето и матен булјон.
Главната специфичност на боршчот е неговата светла боја, која се должи на цвеклото. Наједноставниот начин да го подготвите е истовремено да го ставите целиот зеленчук во тенџерето и да продолжите со готвењето. Но, тогаш компирите ќе бидат портокалово-розеви, а цвеклото бледо. За да не заврши со црвеникава папазјанија, готвачите за време на динстањето на цвеклото додаваат доматна паста, сок од лимон или малку оцет. Тука е важно да не претерате, за да не добиете навидум убав боршч, но премногу кисел! Цвеклото се додава во чорбата на самиот крај на подготовката. Тогаш нема да го обои другиот зеленчук и нема да ја изгуби својата боја.
Блините се јадење со едноставни состојки, кои сепак не е лесно да се подготват од прв обид. Секоја грешка може да биде фатална.
Ако сакате сигурно да ги згрешите, земете ладни состојки од фрижидерот. Тогаш сигурно нема да ги добиете познатите меурчиња и тестото нема да ви успее. Ако додадете премногу шеќер, вашите блини ќе загорат во тавата. А ако ставете премалку брашно, тие ќе се кинат пред да можете да ги извадите во чинија или да ги ставите во уста. Веднаш штом ќе го подготвите тестото, печете го што е можно поскоро! Всушност, не е така! Потребно е да почекате околу половина час за добро да се соединат сите состојки во тестото.
Исто така, палачинките ќе ви се лепат ако прво не ја загреете тавата. А можете да го почестите вашето семејство и со непечени палачинки, особено ако не успеете да ги испечете од двете страни.
„Колку е одвратна таа ваша риба во аспик!“ - вели јунакот на познатиот советски филм „Иронијата на судбината“.
Доволно е во аспикпт да ги оставите опашот, коските и крлушките и добивте нешто навистина одвратно. А ако користите бајата риба, која повеќе не може да се користи за други јадења, тогаш спомените од рибата во аспик ќе ве следат долго време. За жал, застоената риба нема да стане свежа дури и во желе.
Друг трик е да додадете повеќе желе. Чудо нема да се случи, но ќе добиете гумено желе. Најдобро е строго да се придржувате до рецептот и да изберете риба со поголема количина на колаген, чиј булјон може самиот да се стегне. Такви се лососот, бакаларот, пастрмката, гргечот.
Уште еден лош совет е да ја ставите рибата во чинија и веднаш да ја прелиете со целиот булјон. Ако сакате да добиете убаво јадење, не правете го тоа. По правило, рибата не треба да го допира дното, туку треба да стои на средината на желето. Тоа се постигнува вака: прво се прелива дното на тенџерето со булјонот, се става на ладно, а кога ќе се стегне, одозгора се ставаат рибата и зеленчукот и се прелива со преостанатиот булјон. Ако сакате да го забрзате процесот, на дното на садот ставете ги зеленчукот и зеленилото, а потоа рибата.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче