Не пропуштајте!
Придружете се на Russia Beyond на Телеграм за повеќе есклузивни содржини
Во руската кујна, концептот на растителен кавијар е мошне вообичаен. Овој вид кавијар нема никаква врска со рибната икра, туку е сечкана маса од зеленчук. Најпопуларниот растителен кавијар се прави од тиквички и модар патлиџан. Меѓутоа, не секој знае дека од цвекло можете да направите и вкусен, сочен и обилен кавијар.
Кавијарот од цвекло е хомогена маса првенствено од цвекло, но со додаток на кромид и печени моркови. Понекогаш се додаваат корен од пашканат или целер. Овој рецепт вклучува и доматна паста за киселкаст вкус и поинтензивна боја.
Обично, цвеклото за ова јадење прво се вари, а потоа се пржи на масло со додавање на зачини. Јас, на пример, веднаш почнувам да го пржам суровото цвекло. На тој начин заштедувам време и ја зачувувам сочноста на цвеклото.
Во советско време, кавијарот од цвекло се продаваше во конзерви во прехранбените продавници, но домаќинките го готвеа и дома. Во нашето семејство, на пример, тоа беше еден од омилените рецепти на баба ми. За време на пости, ова јадење често беше на трпезата.
Кавијарот од цвекло се подготвува многу лесно и брзо, а има голем потенцијал. Може да се подготви и да се служи како предјадење: најчесто се служи со мек, свеж пченичен леб. Исто така е совршен прилог со риба или со пире од компири. Може да се користи и како боршч-стартер. Ако правилно го подготвувате кавијарот од цвекло, ќе им се допадне дури и на оние кои не се баш негови љубители.
Пржењето на кромидот и морковот е она што го прави ова јадење сочно. Колку повеќе златен пржен кромид и масло, толку посладок и свилен ќе биде кавијарот. Кромидот треба да се пржи посебно, а потоа да се додаде само морковот. На овој начин, кромидот ќе се пржи наместо да се динста. Секогаш додавам и ловоров лист - го намалува вкусот на цвеклото. А цвеклото добива најмногу вкус кога ќе додадете само малку оцет и бибер.
1. Кромидот се сече на тенки парчиња и се пржи во растително масло. Колку повеќе масло, толку помазна текстура. Јас сепак не ставив многу масло. Кавијарот на баба ми секогаш блескаше од изобилството на растително масло што таа го додаваше.
2. Кога кромидот ќе стане проѕирен, додајте го ренданиот морков.
3. Пржете додека не омекнат, па посолете.
4. Во друга тава испржете го во масло ренданото цвекло.
5. Додајте ги доматната паста, биберот и ловоровиот лист.
6. Додајте врела вода за да ја разблажите доматната паста. Динстајте го цвеклото околу 10-15 минути.
7. Измешајте ги печениот зеленчук и цвеклото.
8. Пржете ги заедно околу 5 минути.
9. Додајте оцет, измешајте и тргнете го од ринглата.
10. Вашето јадење можете да го сервирате веднаш или наредниот ден, со пченичен леб и зеленчук како магдонос или цилинтро. Чувајте го во фрижидер.
11. Кавијарот од цвекло послужете го на парчиња свеж ароматизиран леб. Пријатен апетит!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче