Не пропуштајте!
Придружете се на Russia Beyond на Телеграм за повеќе есклузивни содржини
Супата од печурки секако може да се вброи меѓу првите три омилени јадења на Русите. Постојат многу различни рецепти, вклучувајќи летни супи од свежи вргањи и супи од сушени печурки. Во минатото единствено шумата била извор на печурки. Сега има голем избор на печурки од оранжерии, како шампињони, буковки или шитаке.
Велат дека на шампињоните во Русија се гледало како на нешто многу сомнително. Можеби тоа е затоа што тие растеле во дивината, често на места каде што биле фрлени остатоци од храна. Исто така, се верувало дека шампињоните не се шумски печурки и затоа немаат душа.
Русите го нарекоа шампињонот „печурка“ затоа што неговата бела тркалезна капа наликува на древна печка на дрва. Меѓутоа, во некои региони, шампињоните се одгледувале и пред револуцијата во 1917 година.
Ефим Грачев, кој живеел во Ростовската област на југот на Русија, бил еден од првите што во шампињоните видел потенцијал не само во поглед на гастрономијата, туку и во однос на бизнисот. Тој станал најуспешниот хортикултурист и претприемач на својата ера со одгледувањето печурки и зеленчук.
Роден во обично селско семејство, бил запознаен со процесите на земјоделството уште од детството. Откако собрал некои средства во 1848 година, тој организирал производство на печурки, аспарагус и зеленчук во близина на Санкт Петербург.
Бил пионер на технологија која му овозможила да одгледува печурки во текот на целата година во пластеници, со 400 печурки во една грмушка. Грачев бил почитуван во Русија и меѓународно признат, а на крајот бил именуван за член на Париската земјоделска академија. Тој великодушно ги споделувал своите иновативни методи на одгледување печурки и редовно објавувал статии во земјоделски списанија. Неговите техники можат да се применат и денес. 29 март дури и во Русија се слави како Ден на шампињоните во чест на роденденот на Грачев.
Ви предлагаме да го прославите овој ден со супа од шампињони која била популарна додека Грачев бил жив. Особено е актуелна за време на Великите пости. Павлаката е вообичаен додаток на печурките во супите, но можете да направите и веганска верзија која е вкусна и богата. Супата излегува дека е доста хранлива поради употребата на бисерното просо и компирот како состојки.
Шампињоните немаат толку силен вкус како дивите печурки. Сепак, супата е миризлива поради посебното печење на зеленчукот со шампињоните кои се варат посебно, а не се ставаат директно во водата. Исто така, свежите билки и зачини уште повеќе го збогатуваат нејзиниот вкус.
Излупете ги кромидот и морковот, исечете ги на коцки и пропржете ги на масло додека не омекнат. Ставете во посебен сад.
Измијте ги шампињоните, исушете ги, исечкајте ги и пропржете ги на масло во истото тавче во кое сте ги пржеле морковите и кромидот.
Бисерното просо прелијте го со вода, додадете зачини, посолете и збиберете и ставете го на шпорет. Просото се подготвува на различни начини, затоа следете ги упатствата на пакувањето за да ја подготвите супата од него.
Излупете ги компирите, исечете ги на тенки ленти.
Додајте ги компирите во просото 15 минути пред да биде готово просото.
Кога компирот е речиси готов (за 10 минути), додајте ги печениот морков и печурките. Оставете ја супата да врие додека не се сварат сите состојки.
Тргнете ја супата од шпоретот. Додајте го зеленилото.
Послужете ја топла со ‘ржен леб.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче