Не пропуштајте!
Придружете се на Russia Beyond на Телеграм за повеќе есклузивни содржини
Јасна Полјана е познатиот имот на еден од најголемите писатели на XIX век Лав Толстој. Во центарот на нејзината идилична убавина и мир тој ги создавал ремек-делата на светската литература, се занимавал со педагогија и, се разбира, поминувал многу време со семејството.
Правилната исхрана била приоритет на имотот на Толстој. На пример, секој ден семејството ручало во исто време. И секој ден сопругата на писателот Софија го планирала менито што готвачката го подготвувала следниот ден. Меѓутоа, понекогаш лично Софија морала да готви за целото семејство.
Софија беше срдечна и посветена домаќинка. Купувала кујнски прибор кој бил скап за тоа време, била претплатена на списанија за водење на домаќинство, па дури и составила свој сопствен готвач кој, за жал, не бил објавена додека била жива. Готвачот лежеше во семејната архива повеќе од 100 години и неодамна стана достапен за јавноста.
Книгата има 162 рецепти. Се смета дека тие се модел за урамнотежена и здрава исхрана. Откако Лав Толстој станал вегетаријанец, Софија го прифатила тој начин на исхрана. Колачите „жамки“ од готвачот на Софија се еден од рецептите погодни за вегетаријанци.
Во Тулската област ситните медени колачиња сè уште се нарекуваат жамки. Името доаѓа од глаголот што значи „стискање“ (руски „жать“), поради процесот на подготовка на овој деликатес. За разлика од тулските медени колачиња од масовно производство, малите медени колачиња се прават со стискање на парче тесто во рацете.
Добро познато е дека медот е природен конзерванс и дека секој деликатес со мед има подолг рок на траење.
Така што вистинското медено колаче ги задржува свежината и вкусот со месеци, доколку, се разбира, не се изеде веднаш!
Денеска подготвуваме вкусни жамки според адаптирана верзија на стариот рецепт од готвачот на Софија Андреевна.
Брашно - 560 g
Светол мед - 275 g
Темен мед - 275 g
Шеќер – 1 филџан
Рум – 1 лажица
Бадем - 125 g
Кандирано овошје - 50 g
Лимон – 1 пар.
Малку цимет, кардамон, каранфилче
Најпрвин во тенџере измешајте ги двата вида мед, светлиот и темниот. Растопете го, изладете го на собна температура.
Ситно нарендајте кора од лимон.
Во тенџерето со мед додајте лимонова кора, шеќер и рум и добро измешајте.
Ситно исечкајте ги кандираното овошје и бадемите.
Додајте го ситно исечканото кандирано овошје, бадемите и зачините во тенџерето со мед и измешајте.
Постепено додавајте брашно и замесете тесто.
Кога тестото е доволно цврсто, ставете го на маса и обликувајте го како топка. Тестото ставете го во кеса или чинија, покријте го и ставете го да се лади во фрижидер 24 часа или барем преку ноќ.
Извадете го тестото од фрижидер и оставете го да се загрее на собна температура. Потоа расукајте го тестото со сукало посипано со брашно или покриено со пластична кеса.
Исечете ги саканите форми од тестото, на самата хартија за печење или, како што правела Софија Андреевна, само обликувајте мали колачиња со дланките. На секое медено колаче ставете по три бадеми, а потоа печете на 180-200° 10-15 минути. Извадете ги од плехот дури кога ќе се изладат.
Вашите жамки се готови! Можете да ги чувате неколку месеци во затворена тегла. Но веројатно ќе ги изедете за неколку дена!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче