Дали руските цареви навистина користеле рог на еднорог како лек?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

„Донесете ми го мојот царски жезол со голема вредност, направен од рог на еднорог, со прекрасни дијаманти, рубини, сафири, смарагди и други скапоцени камења; овој жезол ме чинеше 70 илјади марки, кога го купив од Дејвид Говер, кој го набавил од богаташ во Аугсбург“, ги забележал зборовите на Иван Грозни Англичанецот Џером Хорси.

Јавен домен

Во XVI век еднорогот бил утврден симбол на царската власт, имајќи предвид дека во Библијата и Псалтирот рогот на еднорогот го симболизира спасението на човекот преку верата. Затоа еднорогот се појавува на многу царски печати и орнаменти на куќите и црквите од тој период, а царевите верувале во лековитата моќ на неговиот рог. Според францускиот наемен офицер Жак Маржерет, во ризницата на Лажниот Димитриј имало два „целосно“ цели еднорог рогови, царска палка исто така направена од овој материјал, како и половина рог, „кои секојдневно се користат за медицински цели“.

Рог на нарвал

Wellcome Images (CC BY)

Исто така, се сметало дека палката на Алексеј Михајлович била направена од рог на еднорог, а во аптеката на царот се чувала „коска од еднорог“, која ја ситнеле во прав. Имено, се верувало дека овој прав растворен во напиток може да лечи болести, на пример, да запира крварење.

Што всушност било „рогот на еднорог“?

Во старите времиња се правел од слонова коска и коска од морж, со исправување на бивната и потоа од неа се правел извиен рог. Меѓутоа, од XII-XIII век како рог на еднорог се користел рог на сабјарка или кит нарвал, познат и како морски еднорог, носен од скандинавските рибари од брегот на Гренланд. Во XVII век измамата била масовно разоткриена. Познато е дека во 1655 и 1675 година странците му нуделе на московскиот двор да набави рог на еднорог од нив, но понудата била одбиена, бидејќи Московјаните веќе сфатиле дека станува збор за шилец на сабјарка. Истото се случило и во Европа. Еден цел рог, кој му припаѓал на Карлс I, поевтинил од 8000 фунти стерлинзи во 1630 година на 600 фунти во 1649 година.

Нарвал

Universal Images Group/Getty Images

При користење на материјалите на Russia Beyond задолжителен е хиперлинк до изворот од кој е преземен материјалот.