Како советски врскар уништи девет германски тенкови

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Во екот на битката за Москва на 25 октомври 1941 година, како врскар, тој беше принуден по сила на околностите да се преквалификува во артилерец. И да го направи тоа без никаква претходна подготовка, среде тешка битка.

Командирот на батеријата го испрати Стемасов на една од огнените позиции да дознае зошто е прекината врската со неа, а кога стигна таму, виде дека екипажот на противтенковското орудие загинал, а лафетот на топот беше затрупан со земја.

Петар Стемасов, командант на одделението за радио-комуникации на 289-от ловечки противтенковски артилериски полк.

Archive photo

Преживеа само нишанџијата Роман Неронов, а таму се најде и трактористот Чоботов (бидејќи тракторите се користеа за влечење на артилериски орудија).

Стемасов, како постар по чин, ја презеде командата. Тројцата го ослободија топот и го подготвуваа за битка, кога забележаа дека на нивната позиција се приближуваат германски тенкови.

Се покажа дека перископскиот нишан на топот е оштетен. Неронов отиде да бара нов дел, а за тоа време Стемасов и Чоботов отворија оган врз непријателот. Командантот нишанеше со голо око гледајќи во цевката.

Првиот пробен истрел го истрелаа во стог сено. Вториот го наведоа врз тенк и погодија во самиот центар! На ист начин онеспособија уште едно непријателско борбено возило.

Потоа пристигна нишанџијата со резервниот дел и сé тргна како по лој. Уште седум германски тенкови останаа во пламен на бојното поле.

Битката за Москва. Западен фронт. Уништена германска тенковска единица во селото Скирманово. Втора светска војна 1941-1945.

Александар Капустјански/Sputnik

Кога непријателските војници почнаа да ги опколуваат од крилата, советските борци го прикачија топот на трактор кој не беше оштетен и се повлекоа во шумата.

За иницијативата и храброста покажана во битката, Петар Стемасов го доби звањето Херој на Советскиот Сојуз. Тој ја преживеа војната и почина во 2000 година на 84-годишна возраст.

Можете да дознаете за другите херои кои се истакнале во битката за Москва на изложбата на Музејот на победата „Битка за Москва. Прва победа!“

За другите јунаци кои се истакнаа во битката за Москва можете да дознаете на изложбата во Музејот на Победата „Битката за Москва. Првата победа!“ 

При користење на материјалите на Russia Beyond задолжителен е хиперлинк до изворот од кој е преземен материјалот.