Какво пиво сакал Ленин, каде го пиел и дали Хитлер бил таму

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Кога Ленин и Крупскаја го посетиле Минхен во 1913 година, Илич веднаш отишол во пивница. „Сакавме да свратиме во Минхен на ден-два“ ​​- се сеќава Крупскаја - „да видиме колку се променил од времето кога живеевме таму во 1902 година, но бидејќи бевме во брзање, поминавме само неколку часа во Минхен. < ...> во ресторанот „Хофброј“. На ѕидовите, на криглите насекаде стоеја буквите „Н.В.“ – „Народна волја“, се смеев јас. Цела вечер ја поминавме во таа „Народна волја“... Илич го пофали минхенското пиво, како вистински познавач и љубител“.

Carl Simon/United Archives/Universal Images Group via Getty Images

Владимир Илич Ленин го сакал минхенското пиво. За време на првата емиграција (1900-1905), триесетгодишниот Ленин илегално живеел во Минхен, на улица „Кајзерштрасе“ 46. Станот му го обезбедил локален социјалдемократ кој бил и сопственик на пивница во истата зграда - Георг Ритмајер, „предебел Германец“, како што го опиша Надежда Крупскаја во сеќавањата.

Three Lions/Getty Images

Додека живеел во Минхен, Ленин се претставувал како „господин Маер од Сибир“, одржувал илегални состаноци на социјалдемократите и го издавал весникот „Искра“. А во слободното време идниот лидер сакал народни забави. „Генерално, посетите на разни народни забави и веселби ми беа помили отколку одењето во музеи, театар, пасажи со продавници итн.“, признава тој во 1895 година во писмо до неговата мајка. И сакал да пие пиво во познатата минхенска пивница „Хофбројхаус“. „Посебно со задоволство се сеќаваме на „Хофбројхаус“, каде одличното пиво ги брише сите класни разлики“, напиша Крупскаја подоцна во својот дневник.

Magyar Nemzeti Galéria/Public Domain

Во 1913 година, кога Ленин и Крупскаја навратиле во Минхен, таму живеел младиот Адолф Хитлер. Познато е дека и тој ја посетувал истата пивница, па дури и ја прикажал во своите акварели. Во 1920 година Хитлер ќе ја објави својата програма „25 точки“, која наскоро ќе стане официјална програма на Националсоцијалистичката германска работничка партија.

Atelier Binder/Getty Images

Не се сочувани сведоштва дека некој го видел Ленин пијан, но и тој не сакал да се откаже од пиењето. Во тој поглед бил умерен. Во 1910 година финскиот комунист Јурје Сирола ручал со Ленин во ресторан. „Кога шишето вотка стигна до нас, го прашав Ленин: „Дали си дозволувате чашка пред ручек? „Мојата партија тоа не го забранува“, беше неговиот одговор.

Universal History Archive/Getty Images

При користење на материјалите на Russia Beyond задолжителен е хиперлинк до изворот од кој е преземен материјалот.