Не пропуштајте!
Придружете се на Russia Beyond на Телеграм за повеќе есклузивни содржини
Без капата папаха, черкескиот кафтан и џепчињата, зашиените футроли за муниција на градите, сосем сигурно нема вистински кавкаски џигит.
„Ако е главата на раменици, на неа треба да стои папаха“. „Мажот мора да има две работи: папаха и име“. На Кавказот постојат мноштво изреки за оваа капа. Тоа не е само дел од традиционалната носија, туку и вистински симбол и статусен предмет. Скапата папаха е најдобриот подарок во овој регион.
Мажите на Кавказот не ја симнуваат капата дури ни во затворен простор. Симнувањето на капата е навреда, а ако сопственикот загинал, никој друг немал право да ја носи, освен неговите синови.
Папахата стекна вистинска светска слава благодарение на шампионот и поранешен UFC борец Хабиб Нурмагомедов. Токму со оваа капа на главата, носејќи ја во знак на почит кон традицијата на неговите дагестански предци, тој се појавуваше во сите борби и на мерењата.
Белата Хабибова папаха стана де факто бренд, а на потенцијалните купувачи на интернет им се нуди „папахата како онаа на Хабиб“. Многу фанови на овој борец носат ваква капа во знак на поддршка на својот омилен спортист.
Капата на Хабиб е само еден вид папаха. Тие се прават не само од овча кожа, туку и од козја, а највредни се, сепак, астраханските.
На фотографијата е раководителот на Чеченија Рамзан Кадиров
Папахите можат да бидат полукружни, проширени на врвот или со рамен дел од платно.
Папахите ги шијат исклучиво мажи. Кожата треба неколку пати добро да се измие и исуши на сонце, а потоа да се обработи со специјален солен раствор за да се одржи крзното.
Од една кожа се добиваат две папахи, а искусен мајстор може да сошие до 40 парчиња дневно. Цената на една капа од овча кожа започнува од 500 рубли и обично не надминува 5000 рубли, а од козја кожа чини малку повеќе од 800 рубли.
Денес, папахата се смета за традиционална кавкаска капа, но можат да се сретнат и верзии според кои таа дошла на Кавказот од средна Азија заедно со номадските турски племиња (самиот збор папаха е од турско потекло).
Од средината на XIX век папахата станала составен дел од воената униформа на руската армија. Најпрвин ја носеле војниците на Кавказот и во средна Азија, а потоа се проширила меѓу козачката војска (како и многу други делови од кавкаската носија, вклучително и черкеските кафтани, наметките од филц без ракави и зашиените футроли за муниција).
Папахи носеле и гардистите на личната придружба на неговото царско височество, кој главно се состоел од Козаци, Черкези и други планинци од Кавказот.
На фотографијата сликата подолу е Николај II и неговата придружба.
И иако планинците сметале дека капата не служи за затоплување, туку претставува статусен симбол, таа сепак се покажала како многу практична и многу брзо почнале да ја носат припадниците на воените формации кои се наоѓале во Сибир.
На фотографијата е генералска папаха на Сибирскиот воен округ на Николај II.
Папаха
antikvariat.ruПапахата во 1913 година станува зимска капа во целата руска војска.
Тоа беше делумно наследена и од советската војска. Меѓутоа, за војниците се најде поевтино решение, сукнените капи „буѓоновки“, додека вишите офицерски чинови во советската армија носеа папаха.
Папахата беше официјално заменета во армијата во 1992 година со шапката ушанка. Меѓутоа, во 2014 година беше вратена како зимска капа за генерали и полковници. И, се разбира, и ден-денес ја носат Козаците.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
