Како во Советскиот Сојуз се славеше 8 Март? (ФОТО)

• Ве очекуваме на Телеграм-каналот https://t.me/rb_makedonija
• Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“сме секогаш со вас!

8 март во Советскиот Сојуз официјално стана национален празник 1966 година, иако се славеше од порано. Во 1910 година, на Меѓународниот конгрес на социјалистичките жени во Копенхаген, Клара Цеткин од Германија предложи Меѓународниот ден на жената да се одбележува на 8 март. Нејзиниот предлог беше прифатен во Русија, а потоа и ширум Советскиот Сојуз. Првите демонстрации се одржаа во Санкт Петербург во 1913 и 1914 година.

Транспарент со натпис: „Право на земја за жените на селоˮ

МАММ/МДФ/russiainphoto

На 23 февруари (8 март по нов календар) 1917 година жените излегоа на улиците да протестираат против гладот ​​и царизмот. Тоа не беа мирни демонстрации. Тие ја покренаа Февруарската револуција и ставија крај на владеењето на Романови.

Работници во московската Трјохгорнаја мануфактура на состанок по повод 8 март, 1935 година

TASS

Наредната година, 8 март стана ден кога работниците одржуваа свечени собири во фабриките, на кои зборуваа за достигнувањата на жените во советската индустрија и дискутираа за состојбата на работничките во другите земји.

8 март на Народниот универзитет на пријателството меѓу народите. Претседателка на Комитетот на советските жени беше космонаутот Валентина Терешкова.

Виталиj Карпов/Sputnik

На овој ден на работничките им се доделуваа и награди за ударнички труд или за особени заслуги во работата.

Комитет на советските жени

Борис Кавашкин/Sputnik

По повод овој празник Советите објавуваа пригодни разгледници и поштенски марки.

Public domain

Всушност, многу советски фабрики ги добиваа имињата не само по познати комунисти, туку и во чест на 8 март. Повеќето беа текстилни фабрики кои работат и денес.

Иван Шламов/TASS

Кога 8 март стана официјален празник 1966 година, состаноците беа поместувани за ден порано, а празникот се славеше дома. Тоа беше извесен пресврт во доживувањето на самиот празник.

Владимир Грановски/Sputnik

На овој ден, мажите ја преземаа улогата на домаќинка: наутро ќе донесеа цвеќиња и колачи, а потоа ќе зготвеа ручек за целото семејство.

Тихонов/Sputnik

Сопругата на Ленин - Надежда Крупскаја, наводно предложила на овој ден на жените да им се подаруваат мимози, бидејќи друго цвеќе во Русија многу тешко можело да се најде во студената доба од годината.

А. Аганов/TASS

И децата учествуваа во подготовките за празникот: цртаа честитки и помагаа во кујната.

А. Анжанов/Sputnik

Беше доволно жените на овој ден да изгледаат убаво, да ја облечат најубавата облека и да направат убави фризури, одмарајќи се од секојдневните обврски, бидејќи и покрај декларацијата за рамноправност меѓу половите, тие не ги оставија своите обврски во домаќинството.

С. Магзумов/Sputnik

Денес, во Русија, како и во многу постсоветски земји, и понатаму е жив обичајот за прославување на 8 март. Главниот подарок е, како и досега, цвеќе.

При користење на материјалите на Russia Beyond задолжителен е хиперлинк до изворот од кој е преземен материјалот.