Волшебната етноегзотика на рускиот Далечен Исток на фотографиите на Агнија Динес (ФОТОГРАФИИ)

Аину

Аину

Public domain
Првата жена-фотограф на Далечниот Исток беше Агнија Динес. Таа ги снимаше копачите на злато и домородните народи во царска Русија кога веќе имаше над педесет години. Нејзините фотографии влегоа во историјата, но таа самата беше и остана таинствена личност.

Долго време никој не знаеше која е Агнија Динес. Луѓето погрешно го паметеа нејзиното име (ја викаа ту Агнес, ту Аглаја), а многумина сметаа дека А. П. Динес е маж. Не е ни чудо, бидејќи оваа професија на крајот на 19 век воопшто не беше типична за жените. Требаше да се носи гломазна камера, статив и тешки кутии со стаклени фотоплочи, а понекогаш и целата фотолабораторија. Особено е интересно што Агнија Динес го правеше тоа кога веќе имаше над педесет години.

Таа снимаше панорами на градови во изградба, претставници на автохтоните племиња, руски бродови со живописни височини во позадина и ориентални амбиенти - храмови, кинески дворци и пагански идоли. Географијата на нејзините снимки е фасцинантна. Динес го обиколи целиот Далечен Исток и многу места во Кина, и сето тоа на нејзин сопствен трошок и од прилози на нејзините покровители.

И покрај сето тоа, сé уште не се знае речиси ништо за нејзиниот живот. Според сведоштвата, таа била сопруга на поштенски службеник и по неговата смрт започнала да се занимава со фотографија. Зиме работела во сопственото фото-ателје, а лете патувала со камерата. Нејзините снимки стигнаа до руската престолнина во 1898 година, а нејзините дела беа побарани за изложба во Париз. Оттогаш Агнија почна да прима нарачки од државата и во експедиции снимаше за потребите на Императорското руско географско друштво во Санкт Петербург. И тоа е сé што се знае за неа. Нема ниедна нејзина фотографија, не се знае ни каде и кога починала. Останува само нејзиното наследство - живописните и суптилни прикази на Истокот.

1. Аину (народ)

Народ Аину.

2. Влезот во руската амбасада, Пекинг

Влезот во Руската амбасада, Пекинг, почеток на 20 век.

3. Копачи на злато мијат златоносен песок

Копачи на злато мијат златоносен песок.

4. На Амур

Од албумот „Фотографијата на А. П. Динес на Амур“.

5. Товарните животни на копачите на злато. Околу 1895 година на Амур

Товарните животни на копачите на злато. Околу 1895 година на Амур

6. Пекинг

Пекинг

7. На наоѓалиште на злато

На наоѓалиште на злато.

8. Руски војници во храм, Кина

Руски војници во храм, Кина.

9. Пекарница на Сахалин

Пекарница на Сахалин.

10. Затворска ќелија на Сахалин

Затворска ќелија на Сахалин.

11. Збор на селани на Сахалин

Збор на селани на Сахалин.

12. Запрежни кучиња-водоносци

Кучешка запрега на водоносци. Околу 1895 на Амур.

13. Евенки (Тунгуси), народ

Тунгуси (Евенки).

14. Пристаништето во Хабаровск

Пристаништето во Хабаровск.

15. Од камчатскиот албум

Од камчатскиот албум на Динес.

16. Руски офицери и кинески чиновници

Руски офицери и кинески чиновници.

17. Градот Николск-Усуријск

Градот Николск-Усуријск.

18. Во храм, Сахалин

Во храм, Сахалин.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња