Оклопницата „поповка“: 5 факти за руските тркалезни воени бродови

1. Тркалезната оклопница е замислена како носач за најтешкото оружје

Archive photo

Кримската војна ги уништила воените бродови на Руската империја во Црното море, а според Парискиот мировен договор од 1856 година на Русија ѝ било забрането да поседува силна флота на ова море.

Но, командата на Воената морнарица не можела да го остави Севастопољ без одбрана, па ниту да се помири со овие забрани. Така контраадмиралот Андреј Попов предложил да се изградат тркалезни оклопници.

Archive photo

Бродот требало да може да носи најтешко оружје, да кажеме, топови тешки над 20 тони, и за време на огнот тој да не се ниша. Покрај тоа, било планирано „поповките“ да се класифицираат како пловечки тврдини, со што не би се прекршил Парискиот мировен договор.

2. Во вода влегле само две тркалезни тврдини

„Новгород“

Getty Images

Идејата на Попов била одобрена, згора на тоа, ограничувањата за развој на руска флота од Парискиот договор биле укинати во 1871 година. Истата година императорот Александар Втори дал дозвола да се започне со изградба на првиот тркалезен брод „Новгород“, со пречник од речиси 31 метар.

„Новгород“

Capt Sydney Eardley-Wilmot

Се мислело дека со изградбата на десет тркалезни тврдини ќе биде препородена црноморската флота. Но, во морето влегле само два брода. Вториот се викал „Киев“, за потоа бродот да го добие името во чест на својот творец – „Вицеадмирал Попов“.

3. „Поповките“ биле неверојатно бавни

Archive photo

„Поповките“ навистина носеле тешко вооружување, но биле мошне бавни.

Тоа се докажало во борбата против Турција во 1877 година. Двата тркалезни брода во текот на војната долго ја чекале својата можност, а кога таа им се укажала, не можеле да ги стасаат турските бродови. Специјална комисија потоа утврдила дека оклопниците се бескорисни на отворено море.

4. Императорот посакал да плови на тркалезна јахта

„Ливадија“

Archive photo

И по военото фијаско Попов не се откажал од идејата да создава тркалезни пловила и му предложил на Александар Втори јахта со ваков облик. Императорот се согласил, но под услов да биде двапати побрзо од оклопницата.

Јахтата била наречена „Ливадија“, изградена е во Англија и на патот до Севастопољ сериозно била оштетена во морска бура.

5. Проектот конечно бил укинат по смртта на императорот

Archive photo

Приказната за тркалезните бродови на Попов завршила штом на власт дошол Александар Трети. Попов е унапреден во адмирал, но можноста да прави тркалезни пловила му била скратена. И не само тоа. Адмиралот не смеел да учествува во планирањето на иднината на руската морнарица.

Двете постоечки тркалезни оклопници го бранеле Севастопољ до 1903 година, а императорската јахта полека се претворила во брод за превоз на јаглен.

При користење на материјалите на Russia Beyond задолжителен е хиперлинк до изворот од кој е преземен материјалот.