Пронајден јуришен авион Ил-2 со настрадан екипаж, учесник во пробивањето на опсадата на Ленинград

Министерство за одбрана на Русија
Припадниците на специјалниот баталјон за потрага на Западниот воен округ на ОС РФ открија остатоци од јуришен авион Ил-2 кој учествувал во пробивањето на блокадата на Ленинград. Авионот е пронајден во шума во близина на населеното место Никољско.

Како што соопшти службата за односи со јавноста на Западниот воен округ, на местото на кое паднал авионот се пронајдени и остатоците на загинатите членови на екипажот. Од земјата се извадени орден на Црвена ѕвезда и медал За храброст, предмети за лично вооружување, како и делови од трупот на леталото со сериски броеви.  

Утврдено е дека јуришниот авион припаѓал на борбениот персонал на 943 јуришен воздухопловен полк. Меѓу членовите на екипажот биел помладиот поручник Владимир Иванович Усков, роден во Тамбов, и стрелецот-радист Александар Павлович Бељаков. Нацистите го собориле нивниот авион на 22 март 1943 година. За примерно извршување на борбените задачи за командување помладиот поручник Владимир Усков е награден со медал „За храброст“ и орден на Црвена ѕвезда.

А во Тамбов се трага по роднините на херојот. Познато е дека Усков се родил 1919 година и дека живеел во улицата „Буденов“ бр. 13. Куќата постои и денес, само што нејзините сопственици не знаат ништо за фамилијата Ускови.  

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња