Советска доминација на небото: 5 најдобри авиони од Втората светска војна

1. Јак-3

Јак-3

Юрий Королев/Sputnik

Јак-3 е подобрена варијанта на авионот Јак-1, бил вооружен со два митралези Березин УБС 12.7 мм и еден топ ШВАК 20 мм. Можел да развие брзина од 655 километри на час. Произведени се 4.858 примероци и во 1944 година станал авион кој го соборил најголемиот ловец на Луфтвафе. Според книгата „Познати борци од Втората светска војна“ на Вилијам Грин, германската авијација со своите единици на источниот фронт препорачала да „избегнуваат борба под 5.000 метри со ловците Јаковлев, на кои им недостасува ладилник за маслото под клунот“.

На 16 јули 1944 година на небото се судрија 18 авиони Јак-3 и 24 германски ловци. Советите изгубија само едно летало, а Луфтвафе 15.

Познатиот француски полк „Нормандија – Неман“ кој се борел во СССР ги користел авионите Јак-3 од 1944 година и со нив однел 99 победи од своите 273. Марсел Алберт, капетанот на оваа единица, сметал дека Јак-3 е супериорен во однос на најпознатите од тоа време P-51 Mustang и Supermarine.

2. Јак-9

Јак-9

Getty Images

Едномоторен авион со ниско крило. Во годините на Втората светска војна произведени се 16.769 вакви авиони. Првиот бил испорачан во октомври 1942 година, а набргу Јак-9 биле испратени во Сталинград. Јак-9Т е опремен со противтенковски брод Нудељман-Суранов НС П-37 кој наголемо се користел против непријателот на Црното море.

Интересно е дека некои авиони Јак-9 се користени за следење на американските Б-17 и Б-24 кои извршувале задачи во Романија. Пред крајот на војната тој бил првиот советски авион кој урнал германски ловец Messerschmitt Ме-262.3.

3. Ла-7

Ла-7

Дмитрий Коробейников/Sputnik

Во септември 1944 година еден од најдобрите советски ловци од Втората светска војна Ла-7 полета за да ја ослободи Рига. За еден месец воздушни судири пилотите на Ла-7 собориле 55 непријателски авиони и изгубиле само 4 летала.

Ла-7 на прв поглед не се разликувал од Ла-5ФН, но бил побрз, многу поскоро развивал брзина и летал повисоко. Ла-7 бил подобар од сите германски авиони во тоа време.

Германците против советските ловци ја испратиле најискусната ескадрила Зелено срце (Jagdgeschwader 54) која ги имала асовите како што се Ото Кител (167 соборени авиони) и Валтер Новотни (258).

За првото соборување на млазен авион исто така е одговорен Ла-7. Во февруари 1945 година советскиот ас Иван Кожедув погодил германски Ме-262 во судир над Одра.

4. Ил-2

Ил-2

Sputnik

Авионот кој е пресуден за победата на СССР против германската војска. Имал два митралези 12.7 милиметри, два ШАКС-а од 7.62, два топа од 23 милиметри Вја-33с, носел 600 килограми бомби, и ракети РС-132 и РС-83. Руските пилоти му дале прекар „летачки тенк“, а Германците „Beton Flugzeug” (бетонски авион) и „Schwarz Tod” (црна смрт).

За време на војната вкупно се произведени 36.183 авиони, што го прави најброен модел во историјата на воената авијација и еден од најбројните во целата историја на авијацијата.

Идејата за советски јуришен авион настанала во триесеттите години од минатиот век. Ил-2 го дизајнирал Сергеј Иљушин во 1938 година. Самиот Иљушин му предложил на Сталин необична за тоа време идеја за „летачки тенк“, и побарал дозвола за дизајн и за конструкција. Идејата е одобрена и нарачани се два прототипа.

5. Ту-2

Ту-2

В. Шияновский/Sputnik

Еден од најзначајните аеронаутички дизајни од Втората светска војна, Ту-2, благодарение на својата брзина и издржливост, како и на фиксните фронтални автоматски пушки ШВАК 20 мм, има соборено многу германски авиони и фрлено на непријателот до 4.000 килограми бомби. По бомбардирањето на романските фашисти во битката за Сталинград користен е против германските тенкови во Курск, во операцијата „Багратион“ во Белорусија во 1944 година. Се користел во операции во Романија, Унгарија, Полска и во битката за Берлин, а подоцна, по почетокот на војната против Јапонија, во Манџурија.

Интересно е што овој авион го има проектирано познатиот конструктор Андреј Тупољев за време на престојот во конструкторското биро ЦКБ-29НКВД, односно во затвор.

При користење на материјалите на Russia Beyond задолжителен е хиперлинк до изворот од кој е преземен материјалот.